Bilim salasynda barlyq máselelerdi sheshýge qaýqarlymyz. Búgin Astanada «Úzdik pedagog» respýblıkalyq baıqaýynyń jeńimpazdaryn quttyqtaý saltanatty jıynynda  QR Parlamenti Senatynyń depýtaty Darıǵa Nazarbaeva osylaı málimdedi, - dep habarlaıdy Qamshy.kz  QazAqparatqa silteme jasap.

«Osy jolda biz bir jaqtan ekinshi jaqqa aýytqyǵan sátterimiz bolǵany ras. Jáne aǵartý salasy da keıde oılanbaı jasalǵan reformalardan kóp qıyndyqtar kórdi. Desek te, tájirıbe - ómirdegi eń qymbat nárse ekendigin umytpaıyq. Endi qazir bizde tájirıbe bar. Biz  qoldan kelgenshe jaqsaryp kelemiz. Biz barlyq máselelerdi sheshe alamyz. Bizge keler urpaq «óte jaqsy» degen baǵa qoıý úshin biz bárin isteımiz. Múmkin, «tórt» degen baǵa qoıar, kim bilsin...», - dep toqtaldy Darıǵa Nazarbaeva.

Saltanatty shara barysynda Senat depýtaty ustazdarǵa óz quttyqtaýyn jetkizdi.

«Qurmetti bilim berý salasynyń eńbekkerleri, Ustazdar, Aǵartýshylar, Tárbıeshiler, Pedagogtar! Merekelerińiz qutty bolsyn! Aman-saý jáne baqytty bolyńyzdar, qymbatty Ustazdar!» - dedi Senat depýtaty.

Aıta keteıik, elimizdiń eń úzdik muǵalimderin anyqtaǵan baıqaýǵa respýblıkanyń barlyq óńirlerinen mektepke deıingi jáne orta bilim salalarynda qyzmet etip júrgen ustazdar, sondaı-aq, tehnıkalyq jáne kásiptik bilim salasynyń ınjenerlik-pedagogıkalyq mamandar qatysty.