Halyqaralyq saıasatta keı aqylgóılerdiń alǵa tartatyny: amal neshik, jetiskennen emes, alyp derjavalarǵa bas ımesek, aıtqanyna kónbesek, basyp alady. Basyp almasa da, qıyn sátte qorǵamaıdy, óıtse boldy, elimizdi basqa derjavalar jaýlap almaq syqyldy. Osyndaıda Izraıl degen kishigirim memleket tájirıbesi esime túsedi. 1947 jyly qurylǵan atalmysh el halqynyń sany bolǵany jarty mıllıonǵa jeter-jetpesteı edi. Sóıtse de, aınalasy 120 mıllıonnan astam jaýger arab elderi bolsa da, esh moıymady. Sodan beri eki arada maıdalaryn bylaı qoıǵanda, iri soǵys oty alty márte tutandy jáne onyń bárinde evreıler, ıakı jáhúdter jeńiske jetti. Qalaısha? Jaýap bireý: namys, sol namystyń arqasynda kishkentaı bir nárseden aırylǵandyq túbinde qoldaǵy barmen qosh aıtysqanmen teń ekenin der kezinde ańǵarý. Sondyqtan bolar, jumylǵan evreıler ár soǵysty ómiri men ary jolynda aqyrǵy arpalys retinde qabyldady. Arabtar bolsa, búgin jeńilsek, erteń jeńermiz degen ózdi-ózin jubatý kesirinen jeńilisten bas kótermedi. Dáp sol jiger, ulttyq bolmysyn asqaqtatý arqasynda búginde Izraıl álemdegi eń damyǵan ári qýatty memleketter sanatyna endi. Demek, ulttyń órkendeýi men memleket ıgiligi áldebireý aldynda bas ıgennen, tizerlegennen týyndamasy anyq. Quldyq sana-sezim quldyqtan basqa eshnársege ákelmek emes. Myqty ult, gúldengen ekonomıka, berekeli memlektet, ulaǵatty qoǵam bolýdyń jalǵyz kózi -Namys!