Serik Ahmetov isi boıynsha sottalǵan Qaraǵandy oblysynyń burynǵy ákimi Baýyrjan Ábdishev úkimetke bir tıyn da qaıtarmaıtyn boldy. Óıtkeni sýdıa 3 mıllıon 636 myń teńgeni óndirýdi talap etken «Mádenıet, demalys saıabaqtary jáne gúlzarlar» basqarmasynyń aryzyn, negizsiz dep sheshti. Mekeme ókilderi, Baýyrjan Ábdishev pen taǵy úsh aıyptalýshy, jol tósenishterin qymbat baǵaǵa satyp, memleketke shyǵyn keltirdi dep sotqa shaǵymdanǵan, - dep habarlaıdy Qamshy.kz 31-arnaǵa silteme jasap.
Sot tyńdalymyna Serik Ahmetov isi boıynsha sottalǵan úsh eks-sheneýniktiń bireýi de kelgen joq. Qorǵaýshylar aıyptalýshylar qatyspasa da bolady deıdi. Óıtkeni, "Mádenıet, demalys saıabaqtary jáne gúlzarlar» basqarmasy túsirgen aryz azamattyq sotpen qaralyp jatyr eken.
Mádenı saıabaq basqarmasynyń ókilderi qomaqty somany oblystyń burynǵy ákimi Baýyrjan Ábdishevten ózge, Qaraǵandy ákiminiń burynǵy orynbasary Muhtar Adambekov pen Turǵyn úı komýnaldyq sharýashylyq bóliminiń eks basshysy Aıdos Jakenovten de óndirýdi talap etken. Sózderinshe, Qaraǵandy oblysy burynǵy ákiminiń ıeligindegi «Evrostandart Qaraǵandy» kompanıasy jol tósenishterdi qymbat baǵaǵa satqan. Osylaısha, úkimetke 3 mıllıon 636 myń teńge shyǵyn keltirdi deıdi.
ERJAN TURYMBAEV, «Demalys orny jáne mádenı saıabaqtar basqarmasy» QMK ókili:
- Ýsherb nashemý predprıatıý ne prıchınen. Odnako ımeetsá ýpýshennaıa vygoda v vıde 3 mıllıona 636 tenge. Vse.
Biraq qorǵaýshylar shyǵynǵa batpasa kompanıanyń sotqa shaǵym túsirýi, tipten, negizsiz deıdi. Sondyqtan alqa bılerden shyǵyn kólemin de, aryzdy da joqqa shyǵarýdy talap etedi. Óıtkeni daǵdarys qyspaqqa alǵan jyldary jol tósenishteri Saıabaq basqarmasyna arzan baǵamen satyldy deıdi. Kerisinshe eks-sheneýnik Baýyrjan Ábdishevke eskertkish ornatý kerektigin aıtady.
MEIRAM SHAIMERDENOV, qorǵaýshy:
- Baýyrjan Ábdishev Qaraǵandy oblysynyń kásipkerlerine sertıfıkattalǵan joltósenishterin eń arzan baǵaǵa satqany úshin eskertkish ornatý kerek. Shyǵynǵa Saıabaq basqarmasy emes, "Evrostandart Qaraǵandy" kompanıasy ushyraǵan. Sondyqtan bul aryz negizsiz dep sanaımyn.
MEIRAMGÚL SALQYMBAEVA, tilshi:
- Biraq sýdıa «Mádenıet, demalys saıabaqtary jáne gúlzarlar» basqarmasy» túsirgen aryzdy qanaǵattandyrmady. Iaǵnı eks-sheneýnikterden 3 mıllıon 636 myń teńge óndirilmeıtin boldy. Aıta keteıik, eks-premer Serik Ahmetov pen burynǵy ákim Baýyrjan Ábdishevten «Gorsvet» epızody boıynsha da 202 mıllıon teńge kóleminde materıaldyq shyǵyn talap etilýde. Qaraǵandy qalasynyń ákimi Nurlan Áýbákirovtyń aryzy boıynsha azamattyq sot otyrystary bir aıdan keıin bastalady degen aqparat bar.
