Óńiraralyq yntymaqtastyq aıasynda Almatyda Shyǵys Qazaqstan oblysynyń bal jármeńkesi ótýde. Shyǵys Qazaqstannan almatylyqtarǵa 40 tonnadan astam túrli bal jáne bal ónimderi, panty óniminiń 27 túri ákelindi, - dep habarlaıdy Qamshy.kz.
Shyǵys Qazaqstan oblysynyń baly óziniń dámdik jáne emdik qasıetteri jaǵynan elimizdegi eń úzdik bal bolyp tabylady. Sondyqtan Shevchenko kóshesindegi QR Ǵylym akademıasy aldynda ótken jármeńkede almatylyqtar sanynyń kóp bolýy oryndy.
Arnaıy saýda núktelerinde Óskemen qalasynyń, Zyrán, Glýbokoe, Katonqaraǵaı, Ulan, Úrjar, Aıagóz, Shemonaıha, Kókpekti jáne Tarbaǵataı aýdandarynyń ekologıalyq taza ónimi saýdalandy. Onda bal óniminiń san túri men panty óniminiń 27 túri satyldy.
Jınalǵan jurtshylyqqa Bal jármeńkesi barysynda Shyǵys Qazaqstan oblysynyń shyǵarmashylyq uıymdarynyń konsertin usynyldy. Sondaı-aq, Almaty qalasynyń turǵyndary 2016 jyly Shyǵys Qazaqstannyń 5 kóne eskertkishinde júrgizilgen arheologıalyq qazbalardyń jádigerlerimen tanysa aldy. Kórmede Berel qorǵany, Shilikti jazyǵy, Ablaıkıt qamal-monastirinde, Qyryqúńgir men Eleke sazynda tabylǵan artefaktiler turǵyndar nazaryna usynylady.
