Reseı prezıdenti Vladımır Pýtın Reseı qarýly kúshteri qolbasshylyǵynyń áskerı jattyǵýlaryn aralap kórýi barysynda «Ýkraınadaǵy ózgerister jaýapkershiliksiz saıasattardyń sońy nege ulastyratynyn kórsetti» dep qýattap, Reseı armıasyna jattyǵý úshin daıyndalǵan nysanaǵa shabýyl jasaýǵa jarlyq berdi. Reseı Qorǵanys mınıstri Sergeı Shoıgý Reseıdiń ıadrolyq áleýetin jaýyngerlik daıyndyq jaǵdaıda dep málimdedi. Sondaı- aq, birqatar Reseı qaıratkerleri Reseıdiń birneshe balıstıkalyq zymyrandardy synaqtan ótkizgenin málimdedi. Reseı men Amerıkanyń qyrǵı qabaq soǵystan keıingi kezeńde buryn- sońdy bolmaǵan teke tires týǵyzǵan Ýkraına máselesinde betpe- bet kelýi barysynda Reseı óziniń strategıalyq utys kartochkasymen, ıaǵnı strategıalyq ıadrolyq kúshi, ásirese qurlyqaralyq ıadrolyq zymyrandarymen óziniń áskerı áleýetin Amerıka men onyń ózge batystyq odaqtastaryna kórsetkisi kelip otyr. Shyn máninde Amerıka men NATO tarapynan sońǵy aılarda Reseıge qarsy talqylanǵan túrli qoqan-loqqylar men NATO- nyń Shyǵys Eýropada áskerı sap túzeýi burynǵydan kóbirek Reseıdi alańdatyp otyr. Reseı men Amerıka arasyndaǵy Ýkraına daǵdarysy boıynsha teke tiresterdiń ulǵaıýy sońǵy jyldarda buryn-sońdy bolmaǵan jaǵdaı. Osy másele eki taraptyń bir-birine kúsh kórsetýine sebep bolyp otyr. Reseıdiń óziniń ıadrolyq kúshine ıek artýy jáne yqtımaldyq nysandarǵa jattyǵý retinde ıadrolyq shabýyl jasaýy sol eldiń shynaıy qaýip-qater týǵan kezde ıadrolyq áleýetin qoldanýdaǵy ázirligin kórsetip otyr. Ekinshi jaǵynan Reseı strategıalyq áýe kúshin paıdalaný arqyly óziniń strategıalyq bombalaýshylary men alys qashyqtyqqa ushatyn qyrǵı ushaqtaryn Amerıkanyń shekaralaryna taıaý jerde ushyryp, óziniń shama- sharqyn kórsetip otyr. Buǵan qosa Reseıdiń jaýyngerlik kemeleri de Tynyq muhıtynyń batys aımaǵyndaǵy quzyryn arttyryp, teńiz qımyldaryna kirisip otyr. Reseıdiń sharalaryn NATO men Amerıkanyń Ýkraınamen irgeles jáne Reseımen shekaralas elderge óz kúshteri men áskerı jabdyqtaryn ornalastyrýy, atap aıtqanda amerıkalyq qyrǵı ushaqtardy Polsha men Baltyq respýblıkalaryna ornalastyrýyn edáýir kóbeıtýiniń qarymtasy dep esepteýge bolady. Reseıdiń Ýkraına daǵdarysyn sheshý máselesinde Batyspen kelispeýshiliginiń ulǵaıýynyń nátıjesinde Reseı de óziniń myńdaǵan áskerı kúshi men edáýir áskerı jabdyǵyn óziniń batys shekaralaryna, ıaǵnı Ýkraınanyń irgesine ornalastyrdy. Sońǵy kezde ondaǵan reseılik ushaqtyń, atap aıtqanda qyrǵı ushaqtardyń Qyrym túbeginiń aspanynda sharyqtap ushyp júrgeni týraly málimetter taratyldy. Keıbir mamandardyń pikirinshe, osy másele Máskeý áýe bólimsheleriniń osy aımaqqa jappaı kóshirilýin ańǵartady. Qarsy tarapta amerıkalyqtar ózderiniń Shyǵys Eýropadaǵy áskerı strategıalaryn qaıtadan qaraýmen NATO- ǵa múshe bolyp tabylatyn osy aımaqtaǵy eldermen áskerı yntymaqtastyqtary deńgeıin joǵarylatý arqyly ózderiniń áskerı quzyryn da eleýli túrde arttyrýdy maqsat tutyp otyr. Ornalastyrý deńgeıin arttyrý shyn máninde Ýkraınaǵa kıligýden bas tartýmen birge Baltyq óńiri elderi, Qara teńiz óńiri elderi jáne Polshaǵa tikeleı ári janama túrde qoqan-loqqy jasaýdan bas tartsyn degen Máskeýge eskertý bolyp tabylady. Qarsy tarapta Reseı de NATO, ásirese Amerıkanyń Shyǵys Eýropadaǵy sharalary aımaqta tek teke tires týǵyzý baǵytynda bolyp, Reseıdiń ulttyq qaýipizdigine qater tóndiredi dep kúmándenedi. Sonymen birge Amerıka Batystyń Reseımen áskerı jáne qaraý- jaraq baılanystaryna shekteý qoıýyn shynymen talap etip otyr. Osy oraıda beısenbi kúni AQSH memlekettik hatshysynyń orynbasary Vıktorıa Noland «Vashıngton fransýzdyq tikushaq tasýshy «Mıstral» kemelerin aldyn ala jospar boıynsha Reseıge satý jóninde Ýkraına daǵdarysyna baılanysty alańdap otyr» dedi. Fransıa Reseıge satpaq bolyp otyrǵan osy kemelerdiń quny bir mıllıard 200 mıllıon evro dep baǵalanyp otyr.
Maqala Iran qazaq radıosy saıtynan alyndy.http://kazakh.irib.ir/
(Túpnusqadaǵy taqyryp: Reseı ıadrolyq áleýetin kórsetýde)
