QR Premer-Mınıstri Baqytjan Saǵyntaevtyń tóraǵalyǵymen Qazaqstan Úkimetiniń selektorlyq rejımdegi otyrysyndaaýyl sharýashylyǵy birinshi vıse-mınıstri Qaırat Aıtýǵanov egin jınaý jumystarynyń qorytyndysy týraly esep berdi, - dep habarlaıdy Qamshy.kz.
Astyqtyń jalpy jıyntyǵy býnkerlik salmaqta 23,1 mln tonnany qurady. Bul ótken jylmen salystyrǵanda 1,4 mln-ǵa kóp.Ortasha ónim 15,2 s/ga qurady. Aqmola oblysynda 5,7 mln tonna, SQO-da 5,6 mln tonna, Qostanaı oblysynda 5,5 tonna astyq jınaldy.Qaraǵandy oblysynda 1 mln tonnadan astam astyq jınaldy. Ónimdilik 14,0 s/ga qurady, bul oblystyń egin sharýashylyǵynyń búkil tarıhyndaǵy rekordty ónim bolyp esepteledi.
Sonymen qatar, Aqtóbe jáne Batys Qazaqstan oblystarynda tary ónimdiligi ótken jylmen salystyrǵanda 4 jáne 3 ese artty.
Ońtústik óńirdiń oblystary maqta, qant qyzylshasy jáne kúrish ónimderin jınaý jumystaryn júrgizip jatyr, tıisinshe joǵarǵy ónim jınalady dep kútilýde. Bıyl kúrishtiń jalpy jıyntyǵy 432 myń tonnaǵa jetti. Qyzylorda oblysynda ónimdilik 47 s/ga qurady, sáıkesinshe, bul rekordty kórsetkish.
Vıse-mınıstr maıly daqyl boıynsha orylýy kerek alańnyń 46,7%-y orylǵanyn aıtty. Jalpy jıyntyq ótken jylǵydan 1,2 ese kóp bolady dep boljanýda. Ónimdilik 10 s/ga quraıdy. Eskerer bolsaq, sońǵy 5 jylda 8,1 s/ga aspaǵan.
Otyrysta egin jınaý naýqanynyń ońtaıly ýaqytynda aıaqtalýy uıymdastyrýshylyq deńgeıiniń joǵary bolýynyń, der kezinde materıaldyq-tehnıkalyq jabdyqtaý máselesi sheshilýiniń jáne joǵarǵy ónimdi egin jınaý tehnıkasyn qoldanýynyń arqasynda bolǵany aıtyldy.
