Qazaqstandyq Facebook  jelisinde jańa "aǵym"  baıqaldy. Qoǵam belsendileri, jýrnalıser,  saıasatanýshylar  jáne  basqa da  fb qoldanýshylary medısınalyq betperdemen túsken  sýretterin, ıaǵnı qazirginiń tilimen aıtqanda "selfılerin" jelilerge jarıalaýdy  bastady. Mundaı áreket arqyly  olar Qazaqstannyń Eýrazıalyq ekonomıkalyq odaqqa kirýge  qarsy ekenin bildirgileri  keledi.   Eýrazıalyq Odaq qurý týraly qujatqa qol  qoıatyn kún  jaqyndap  qaldy. Osyǵan baılanysty  qoǵamdyq narazylyq sharasynyń bir kórinisi bolsa kerek. 

Bul  týraly zańger  Maqsat İlıasuly: "Maska" kıý sharasyna basynda syn kózben qaraǵanym ras. Artynan baıqap qarasam, bul shara bir adamdarǵa, belgili bir kúshterge qatty unamaı otyrǵan sıaqty, tipti áldekimderdiń shymbaıyna batqan sıaqty.  Sondyqtan, bul da qoǵamdyq kózqarasty bildirýdiń bir joly retinde men de óz úlesimdi qosaıyn dep sheshtim jáne kóp maska satyp aldym. Endi ony qalaǵan adamǵa tegin taratamyn, dep jazady óz paraqshasynda. 

Betperde taqqandardyń  qatarynda "Ar.Rýh.Haq" qoǵamdyq qorynyń prezıdenti Baqytjan Tóreǵojına,  fb qoldanýshysy Mıras Esenǵabyl, jastar belsendisi  Tazabek Sámbetbaı jáne  t.b.  bar.

Sýret  exclusive.kz  saıtynan