Shymkentte 28 jastaǵy jigitti týystary bir aıdan beri taba almaı júr

    Darkhan Muqantegi
    Shymkentte 28 jastaǵy jigitti týystary bir aıdan beri taba almaı júr

    Shymkent qalasynyń turǵyny, 1988 jyly 10 qańtarda týǵan Talǵat Álibekuly Úsenovti týystary bir aıdan beri izdep taba almaı júr, - dep habarlaıdy Qamshy.kz.

    Týystarynyń aıtýynsha Shymkenttegi №2 mýzyka mektebinde oqytýshy bolyp isteıtin Talǵat 4 qazan kúni keshki saǵat altylar shamasynda jumystan shyǵyp, taksıge otyrǵan. Sodan beri eshbir habar joq kórinedi.

    «Ózimiz eki ul, eki qyz tárbıelep otyrmyz. Talǵat – úıde ekinshi bala. Joǵalardan eki apta buryn, 22 qyrkúıekte  ómirlik serigin taýyp, otaý kótergen edi. Kenetten ózi joǵalyp keterlikteı esh sebep joq», - deıdi Talǵattyń ata-anasy Álibek pen Qurbankúl.

    Joǵalǵan jigittiń ata-anasy, týystary men nekeli jary Tańsholpan saıtymyz arqyly kómek surap otyr. Úıden shyqqanda ústinde kók djınsy shalbar, qyzǵylt tústi fýtbolka men qońyr pıdjak, qolynda kók sómkege salynǵan noýtbýk bolǵan.

    Talǵat aman-esen úıine oralady dep úmittenemiz.

    Joǵalǵan jigit týraly qandaı da bir málimet biletin kisiler tómendegi telefondarǵa nemese «102» nómirine habarlasýyn suraımyz.

    Ákesi Álibektiń telefony: 87757780188.

    Anasy Qurbankúldiń telefony: 87754240563.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025