Almatyda «BOSTANDYK İNVEST FORUM» ınvestısıalyq forýmy ótti

 «Memlekettik-jekemenshik áriptestik (MJÁ) jáne bıznestiń áleýmettik jaýapkershiligi» taqyrybyndaǵy forýmǵa Almaty qalasy ákiminiń orynbasary Erlan Áýkenov, sheteldik ınvestorlar, Qarjy ınstıtýttarynyń, Almaty aýdandary ákimdikteri, SHOB ókilderi qatysty.

Almatynyń Bostandyq aýdany ákimdiginiń bastamasy­men «İnter Continental» qonaq úıinde ótken forým jan-jaqty daıyndalypty. Almaty qalasyndaǵy MJÁ aıasyndaǵy ınvestısıalyq jobalar kórmesi, ınvestor­larmen, bıznes ókilderimen kezdesý, túrli sesıalar, plenarlyq otyrystar, t.b. forým jumysynyń jan-jaqtylyǵyn kórsetti. Forýmnyń ashylýynda Almaty qalasy ákiminiń orynbasary Erlan Áýkenov, Bostandyq aýdanynyń ákimi Bekqalı Torǵaevtar baıandama jasady.

Baıandamashylar, basqa da spıkerler Almatydaǵy «Memlekettik-jekemenshik áriptestik» aıasyndaǵy joba­lardyń júzege asýy, bıznestiń áleýmettik jaýapker­shiligi jóninde sóz qozǵady. Forýmǵa qatysýshylar plenarlyq oty­rystardy megapolıste qolǵa alynyp jatqan ınvest­jobalardyń eýropalyq tájirıbeleri, MJÁ-niń artyq­shylyqtary jóninde talqylaý ótkizdi. Forýmǵa arnaıy daıyndalǵan kitapshada MJÁ aıasyndaǵy 25 joba jan-jaqty berilipti. Olardyń arasynda  «Jeńil relsti kólik qury­lysy men paıdalanylýy», «Balabaqsha qury­lysy», «Kóshe jaryǵy», t.b. ınvestısıalyq jobalar bar. Mysaly:

Joba: Jeńil relsti kólik (jyldam tramvaı) jelisi qurylysy jáne ony paıdalaný

Jobanyń maqsaty: Almaty qalasynda JRK endirý

Qajet ınvestısıa: 95300 mln. teńge

Júzege asý merzimi: 2017 – 2019j.j.

Qýaty: 31 vagon, jolaýshy aǵyny – kúnine 63 myń adam, uzaqtyǵy – 22 shaqyrym.

Jobanyń qajettiligi: Jolaýshylar tasymaly sektoryn jáne týrısik salany damytý.

Joba: Almaty qalasynyń kóshe jaryǵyn moder­nızasıalaý.

Maqsaty: Kóshe jaryǵyn modernızasıalaý, elektr energıasyn 50 paıyzǵa únemdeý.

Qajet ınvestısıa: 11800 mln. teńge.

Qýaty: 80 myń natrıı lampany jaryqdıodty lampaǵa aýystyrý.

Júzege asý merzimi: Modernızasıa – 5 jyl.

Keltirilgen ınvestjobalar qatarynda, sondaı-aq, ál-Farabı atyndaǵy QazUÝ aýmaǵynda «Ǵylym úıin» salý, megapolıs boıynsha birneshe balabaqsha qurylysy, Naýryzbaı aýdanynda «Arnaýly jedel járdem stansasy» emhanasyn salý. t.b. jobalar bar.

Investforým jumysyna Almatyǵa ınvestısıa quıýǵa daıyn sheteldik kompanıalar ókilderi de qatysty. Solardyń biri «Sanlas Holding» kompanıasynyń  Bas dırektory Davıd Falman «Almaty. MJE qaǵıdaty boıynsha ońaltý ortalyqtaryn qurýda Eýropalyq tájirıbeni engizý týraly» baıandama jasady.

QR Prezıdenti, Elbasy N.Nazarbaevtyń tapsyrmasy boıynsha elde «Memlekettik-jekemenshik áriptestikti»  damytý qolǵa alynyp otyr. Bul – biryńǵaı memlekettik búdjetke ıek artpaı, áleýmettik jobalardy júzege asyrýǵa Shaǵyn jáne orta bıznesti tartyp, ınvestısıa quıý. Al jergilikti bılik óz tarapynan bız­neske bar jaǵdaı (jer telimderi, ınjenerlik-kommýnı­kasıalyq jelileri, zańdastyrý, t.b. jeńildikter) jasaýy qajet. Elbasy tapsyrmasy Almatyda qarqyndy qolǵa alynǵan.  «BOSTANDYK İNVEST FORUM» basqosýy da osy baǵyttaǵy ınvestjobalardyń tanystyrý alańyna aınaldy.

Nurlan SÚIİN

"Almaty aqshamy" gazeti