Almaty qalasy ákimdigi men «Damý» qory qalanyń týrızm, ınovasıa jáne tamaq ónerkásibi salasyn qarjylandyrýǵa 4 mlrd teńge bóledi.

Mundaı memorandýmǵa Almaty qalasynyń ákimi Baýyrjan Baıbek, «Damý» kásipkerlikti damytý qory» AQ Basqarma tóraǵasy Qanysh Tóleýshın jáne shahardyń bıznes ókilderi qatysqan İskerlik keńestiń otyrysynda qol qoıyldy.

Qor baspasóz qyzmetiniń málimetinshe, qarajat qalanyń týrızm, ınovasıa jáne tamaq ónerkásibi salasyn qarjylandyrýǵa baǵyttalady. Almaty qalasy ákimdigi men «Damý» qorynyń qarjysy ekinshi deńgeıli bankter arqyly úlestiriledi.

1. Týrızm salasyndaǵy kásipkerlerge «Almaty týrızm» baǵdarlamasy boıynsha qoıylatyn talaptar:

Jalpy qarjy kólemi – 2 mlrd teńge. Almaty qalasy ákimdigi 1 mlrd teńge, «Damý» qory 1 mlrd teńge bóledi.

Nesıe mólsherlemesi jylyna 8,5%;

Bir kásipkerdiń qolyna tıetin qarjy shegi 100 mln teńge;

Nesıe 84 aıǵa deıin beriledi;

Maqsaty – ınvestısıa jáne aınalym qarajatyn tolyqtyrý.

1. Tamaq ónerkásibi salasyndaǵy kásipkerlerge «Almaty ónim» baǵdarlamasy boıynsha qoıylatyn talaptar:

Jalpy qarjy kólemi – 1 mlrd teńge. Almaty qalacy ákimdigi 500 mln teńge, «Damý» qory 500 mln teńge bóledi.

Nesıe mólsherlemesi jylyna 8,5%;

Bir nesıe alýshyǵa 100 mln teńgege deıin beriledi;

Nesıe negizgi qural-jabdyqtar satyp alý jáne jańartýǵa 84 aıǵa deıin, aınalym qarajatyn tolyqtyrýǵa 36 aıǵa deıin beriledi;

Maqsaty – tamaq ónimderi men alkogólsiz sýsyndar óndirisi.

1. Inovasıalyq salalarda qyzmet etetin kásipkerlerge «Almaty ınovasıalar» baǵdarlamasy boıynsha qoıylatyn talaptar:

Jalpy qarjy kólemi – 1 mlrd teńge. Almaty qalasy ákimdigi 500 mln teńge, «Damý» Qory 500 mln teńge bóledi.

Nesıe mólsherlemesi jylyna 8,5%;

Bir nesıe alýshyǵa 100 mln teńgege deıin beriledi;

Nesıe 84 aıǵa deıin beriledi;

Maqsaty – ınvestısıa jáne aınalym qarajatyn tolyqtyrý.

Munymen qatar eki tarap úsh baǵdarlama boıynsha bólingen qarajattyń kem degende 25%-y start-up jobalarǵa berilýi kerek dep kelisti.

Baq.kz