Almatyda «Nurly jol» baǵdarlamasy boıynsha 35 jańa turǵyn úı salynady. Jıyrma tórt úı - Medeý aýdanynda boı kóterse, qalǵan 12 qabatty 11 baspana Alataý aýdanynda turǵyzylady. «Alatau city» dep atalatyn keshenniń irgetasyn qala ákiminiń orynbasary Sultanbek Mákejanov pen «Samuryq-Qazyna» ál-aýqat qorynyń jyljymaıtyn múlik qory basqarma tóraǵasy Baýyrjan Mamytalıev qalady.

Jańa keshen ekonom sanatty 1056 páterden turady. Páterler aýmaǵy 36 sharshy metrden 74 sharshy metrge deıin. Turǵyn úı kesheniniń mańynda 3000 kólikke avtoturaq pen 450 orynǵa balabaqsha salý da josparlanýda.

«Oıymyz birinshi kezekte 11 úı salý. Ol 60 myń sharshy metr, onyń ishinde 1056 páter bolady. Baǵa jaǵynan kelsek, áleýmettik jospar boıynsha osy páterlerdiń baǵasy 258 myń teńgeden bastalady. Ol búgingi tańda Almaty qalasy boıynsha tómen baǵa dep esepteımin», - dedi «Alatau city» qurylys kompanıasy dırektorynyń orynbasary Asqar ALTAEV.

Qos aýdandaǵy turǵyn úı keshenderiniń qurylys jumystary 2018 jyldyń maýsymynda aıaqtalady. Páterler halyqqa «Samuryq-Qazyna» qory arqyly úlestiriledi. Bıyl jyljymaıtyn múlik qory turǵyn úı qurylysyna qaıtarymdy negizde 97 mlrd teńge jumsaǵan. Bul qarjyǵa Qazaqstan boıynsha 500 myń sharshy metrdi quraıtyn 10 myń páter paıdalanýǵa beriledi.