Qala basshysy Baýyrjan Baıbek keshe qalamyzdaǵy jańadan irge kótergen birqatar qurylys nysandaryn aralap shyqty

Shahar basshysy Naýryzbaı aýdanynda salynyp jatqan aýdannyń ákimshilik ortalyǵynyń qurylysy men  HQKO, aýdandyq sot, aýdandyq ishki ister basqarmasynyń jáne basqa da memlekettik mekemeler ornalasatyn ákimshilik ortalyqtyń qurylys jumysynyń barysymen tanysty. Qurylys jumystaryn júrgizip jatqan  kompanıalardyń basshylarymen, qurylysshy­larmen kezdesip, qurylys nysandarynyń  paıdalaný merzimin  tezdetýdi tapsyrdy. 

Qurylysshylar  Naýryzbaı aýdanynyń ákimshilik ǵımaraty­nyń qurylysy buıyrtsa,  keler jyldyń mamyr aıynda paıda­lanylýǵa beriletini jóninde málimdedi. Al  aýdandyq ishki ister basqarmasy  ǵımaratynyń qurylysy 2017 jyldyń aqpan aıynda  tolyq aıaqtalatyndyǵyn, al syrtqy jumystary tezde­tilse, mamyr aıynda alǵashqy bolyp quqyq salasynyń qyzmet­kerleri qonys toılaryn toılaıtyndyǵyn jetkizdi. Qurylys­shylar, sondaı-aq,  qala basshysyna aldaǵy jyldyń aqpan, naýryz aı­larynda «Aqjar» yqshamaýdanynda salynyp jatqan  bir aýysymda  500 adam qabyldaýǵa múmkindigi bar emhana men 1200 oryndy mekteptiń  paıdalanylýǵa beriletindigin  de málimdedi.

Qala basshysy  Baýyrjan Baıbek qurylys kompanıalarynyń basshylaryna qurylys jumystarynyń sapaly júrgizilýin qatań tapsyrdy. Qala basshysy,  sondaı-aq, «Qarǵaly» ózeni jaǵa­laýyn­da júrgizilip jatqan  qaıta qalpyna keltirý jáne nyǵaıtý jumys­tarynyń da barysymen tanysty. Qarǵaly ózeniniń basynan bastalǵan qaıta qalpyna keltirý jumystary  Jandosov kóshesine   deıin ulasyp, jóndeý jumystary jalǵasýda. Eki jumys isteýdi qalamaıtyn qala basshysy bul jerde de qurylys jumystarynyń tıanaqty da sapaly júrgizilýine aıryqsha mán berdi.

 Nurjamal BAISAQAL

«Almaty aqshamy» gazeti