20-21 qazan 2016 j. Rixos Almaty qonaqúıinde Qazaqstan Respýblıkasy táýelsizdiginiń 25 jyldyǵyna, Almaty qalasynyń 1000 jyldyǵyna, Saparǵalı Begalın atyndaǵy Balalar kitaphanasynyń 65 jyldyǵyna oraı «XXI ǴASYR KİTAPHANALARY: KİTAPPEN BOLASHAQQA» Halyqaralyq kitaphana konferensıasy uıymdastyryldy.

Konferensıa maqsaty: qazirgi zamanǵy tarıhı kezeńdegi kitaphanalar qyzmetiniń basty máselelerine nazar aýdartý, kitaphananyń memlekettik mádenıet saıasatyn júrgizýdegi rólin aıqyndaý, ınovasıalyq damý joldaryn birlese izdeý jáne mádenıet, bilim, ǵylym oshaqtarymen seriktestik aıasyn keńeıtý.

Konferensıany uıymdastyrýshylar: Almaty qalasy ákimdiginiń Mádenıet basqarmasy, «Almaty qalalyq Ortalyqtandyrylǵan kitaphana júıesi» MQM.

Konferensıaǵa Almaty qalasy men oblys kitaphanashylary, TMD elderinen kelgen qonaqtar, oqytýshylar, muǵalimder, mektep kitaphanshylary, Almaty qalasy ákimdiginiń ókilderi, BAQ qatysty.

Konferensıa baǵdarlamasy aıasynda kásibı iskerlik tyńdaý, shyǵarmashylyq kreatıv beıne-sholý, «BOOKPLACE» aıasynda seksıalyq bólinister esebinde jumys isteý, jańa ınovasıalyq jumystar tusaýkeseri ótkizildi.

21 qazanda «Kitaphanashynyń asúıi», «VIP-LEKTORII», «Shabyt ustahanasy», «Forsaıt–SESIA» syndy taqyryptyq alańdarda jumys júrgizildi. Bul jumys tórt kitaphanada: A.Chehov atyndaǵy Ortalyq qalalyq kitaphanada, №4 kitaphana bólimshesinde, S.Begalın atyndaǵy Balalar kitaphanasynda, Jambyl atyndaǵy qalalyq jasóspirimder kitaphanasynda júzege asyryldy.

Konferensıa aıasynda «Almaty tarıh tolqynynda», «Begalındik Retro» syndy ılústrasıaly kitap jáne fotoqujattar kórmeleri rásimdeldi, ári Ortalyqtandyrylǵan kitaphanalar júıesiniń qyzmeti baıyptaldy.

Konferensıaǵa qatysýshylarǵa sheteldik jáne otandyq kitaphana qyzmetimen, jańa tehnologıalarmen jete tanysý, seriktestik ornatýdyń jolyn qarastyrý men keleshegin boljaý múmkindigi usynyldy.

Jumys qazaq, orys jáne aǵylshyn tilderinde júredi.

Baq.kz