Aqordanyń baspasóz qyzmeti Elbasynyń 22 jyl burynǵy ǵaryshkerlermen sýretin jarıalady, dep habarlaıdy "Qamshy" portaly.

«1994 jylǵy 4 qarashada qazaq ǵaryshkeri Talǵat Musabaev ǵaryshtaǵy «Mır» orbıtalyq stansasynda bolǵan saparyn aıaqtap, Jerge oraldy.

Ol 1994 jylǵy 1 shildede «Soıýz TM-19» ǵarysh kemesiniń bortınjeneri retinde ǵaryshqa ushqan bolatyn. 125 táýlik 22 saǵatqa sozylǵan sol saparynda ol ashyq keńistikke shyqqan alǵashqy qazaq perzenti boldy.

Saparyn sátti aıaqtaǵan úsh ǵaryshker – T.Musabaevty, Iý.Malenchenkony jáne Ý.Merboldti Elbasy Torǵaı óńirinde saltanatty túrde qarsy alǵan edi. 22 jyl burynǵy sol tarıhı sátten túsirilgen fotosýretti búgin feısbýk paıdalanýshylary nazaryna usynyp otyrmyz», - dep jazylǵan jarıalanǵan sýretke túsiniktemede.

Eske sala ketetin bolsaq, Talǵat Amangeldiuly 2007 jyldan bastap ataýy birneshe ret ózgertilgen Qazaqstan ǵarysh agenttiginiń basqarýshysy qyzmetinde boldy. Bıylǵy jyldyń 20-qańtarda T.Musabaev memleket basshysynyń jarlyǵy boıynsha Qazaqstan prezıdentiniń keńesshisi qyzmetine taǵaıyndalyp, Qazǵaryshtan ketti.