Mádenıet jáne sport mınıstri Arystanbek Muhamedıuly Qanat Islamnyń jeńisteri úshin alǵysyn bildire otyryp, ulttyq bórik pen shapan japty. Qanat Islamnyń jeńisine arnalǵan kezdesý  mádenıet mınıstrliginde ótti, - dep habarlaıdy Qamshy.kz QazAqparat saıtyna silteme jasap.

Astanada EKSPO kórmesi ótkizilgen kezde Qanat Islamnyń boks keshi ótkizilýi múmkin. Bul týraly búgin Qanat Islammen kezdesý ótkizgen QR Mádenıet jáne sport mınıstri Arystanbek Muhamedıuly málim etti. «Qanat Islammen sol úshin kezdesip jatyrmyz. Ondaı josparlarymyz bar. Qazir ony aldyn ala aıtýǵa áli erte. Búgingi kezdesýimizdiń bir maqsaty - kezdesip, rahmetimizdi aıtý, ekinshiden - osy aldaǵy qoıǵan josparlardy birigip, iske asyrý», - dedi mınıstr kezdesýden soń tilshilerge bergen suhbatynda.
A.Muhamedıuly sonymen qatar Gennadıı Golovkınmen de kelissózder júrgizilip jatqandyǵyn atap ótti. «Ony da aıtýǵa áli qıyn. Biraq kelissózder júrgizip jatyrmyz. Bizde EKSPO úsh aı bolady. Ol úsh aıdyń ishinde ár saıyn ótip jatsa da, onyń artyqshylyǵy joq. Bizge osyndaı úlken sharalardy ótkizip, týrıserdiń kóbirek kelgeni jaqsy», - dep túıdi oıyn A.Muhamedıuly.