«Malefısenta» fılminiń qazaq tilindegi tusaýkeseri elimizdiń barlyq kınoteatrlarynda 29 mamyrda ótedi
«Malefısenta» 2014 jyly qazaq tiline tárjimalanǵan ekinshi gollıvýdtyq fılm bolady.
27 mamyrda Astanada «Bolashaq» qaýymdastyǵy «Nur Otan» partıasynyń qoldaýymen qazaq tilin úırený men damytý jónindegi is-sharalardy júzege asyrý aıasynda Disney blokbasteri «Malefısentanyń» aldyn ala kórsetilimi úımdastyryldy. Fılm dýblájynyń bas demeýshisi – «Samuryq-Qazyna» UÁQ» AQ.
Mýltımedıalyq tehnologıalardy paıdalaný – tilderdi úırenýdiń tıimdi tásili. Áıgili álemdik fılmderdiń dýblájy qazaq tilin tanymal etýdiń yqpaldy jáne de ónimdi quraly bolyp tabylady. «Bolashaq» qaýymdastyǵy 2011 jyldan bastap otbasylyq kórsetilimge arnalǵan gollıvýdtyq týyndylar dýblájy boıynsha jobany iske asyrady.
Aǵymdaǵy jyly jańa zamandaǵy qazaqstandyq patrıottyqty qalyptastyrýǵa baǵyttalǵan gollıvýdtyq fılmderdiń qazaq tiline dýblájy boıynsha jobasyna «Jastar – Otanǵa» jobasy aıasynda «Nur Otan» partıasy qoldaý bildirdi. Partıa Doktrınasynda belgilengen mádenı jáne rýhanı qundylyqtardy arttyrý maqsatynda, «Nur Otan» partıasy «Aıtys», «Búrkitshiler festıvali», «Kókpar», «Qazaqsha kúres», «Jaıdarman», «Qazaqstan barysy» sekildi jobalardy qoldap keledi.
Qazaq tili aǵylshyn, fransýz, nemis, ıspan, portýgalıa, orys jáne basqa tildermen qatar, «Malefısenta» fılminiń keıipkerleri sóılegen álemdegi 19-shy tilge aınaldy. Basty keıipkerlerdi dybystaǵan akterler: Gúlnaz Áýesbaeva (Malefısenta), Gúlnara Qurmanbekova (hanshaıym Avrora), Azamat Qanapıa(Patsha Stefan) jáne t.b. Fılm dýblájyna shamamen 20 akter qatysty.
Uıqydaǵy arý týraly ertegini jańasha túsindirýde basty róldi tanymal gollıvýdtyq aktrısa, «Oskar» syılyǵynyń ıegeri Andjelına Djolı oınaǵan. Aktrısa Ýıll Smıt, Djonnı Depp jáne Tommı Lı Djonspen qatar alǵash ret qazaq tilinde sóıledi. 3D grafıkasynyń negizinde tolyq qalpyna keltirilgen oıdan shyǵarylǵan ertegi áleminiń áseri «Avatar», «Alısa ǵajaıyptar áleminde», «Oz: Uly jáne Jalmaýyz» kınokartınalaryn jasaýǵa qatysqan shyǵarmashylyq top jumysynyń nátıjesi bolyp tabylady. Fılm aǵylshynnyń belgili Pinewood Studio stýdıasynda túsirildi – dekorasıalar, onyń ishinde eski qorǵandy dızaınerler sol qalpyndaǵy kúıinde jańadan jasady, ishki kóriniske negizinen sırek kezdesetin zattar paıdalanyldy. «Malefısenta» fılmi eki «Oskar» syılyǵynyń ıegeri sýretshi-qoıýshy Robert Strombergtiń(«Avatar»; «Alısa ǵajaıyptar áleminde») rejıserlik debútine aınaldy. Fılm búdjeti – 200 mln. dollar.
Aldyn ala kórsetilimge «Nur Otan» partıasy Tóraǵasynyń birinshi orynbasary, «Bolashaq» qaýymdastyǵy keńesiniń tóraǵasy Baýyrjan Baıbek, jobany uıymdastyrýshylar men seriktester, «Bolashaq» baǵdarlamasynyń túlekteri, balalar úıiniń tárbıelenýshileri, mektep oqýshylary, blogerler, buqaralyq aqparat quraldarynyń ókilderi, respýblıkalyq jastar uıymynyń, «Bolashaq» qaýymdastyǵynyń músheleri qatysty.
Astanada aldyn ala kórsetilim kezinde fılm sújeti men arnaıy áserler zaldaǵy balalardyń nazaryn jaýlap alyp, kórsetilimge qatysýshylardy qýantty. Andjelına Djolı aktrısa Gúlnaz Áýesbaevanyń daýysymen sóıledi, ol óz kezeginde alǵan áserimen bólisti: «Men úshin Andjelına Djolı keıipkeri Malefısentany dybystaý – zor jetistik. Dybystaý akter úshin – bul jańa tolyq qundy ról sekildi. Men «Bolashaq» qaýymdastyǵy jáne «Nur Otan» partıasynyń qoldaýymen qazaqstandyqtardyń belgili gollıvýdtyq blogbasterdi memlekettik tilde kórý múmkindigine ıe bolǵanyna rızamyn».
«Samuryq-Qazyna» Ulttyq Ál-aýqat qory» AQ úsh jyldan beri fılmderdi qazaq tiline dýblájdaý boıynsha jobalarǵa qarjylyq qoldaý kórsetip otyr. Buryn Qordyń demeýlik qoldaýymen «Qara kıimdiler 3/Lúdı v chernom 3» jáne «Jalǵyz reındjer/Odınokıı reındjer» fılmderi aýdarylǵan.
«Bolashaq» qaýymdastyǵy men «MARWIN» kompanıasy seriktester men demeýshilerdiń qoldaýymen 4 jyldan beri reıtıńilik jáne kútiletin fılmderdiń dýblájy boıynsha jobany iske asyrady, buryn dýblájdanǵan fılmder:
«Lúdı v chernom III»/Qara kıimdiler-3, 2012j.
Hrabraıa serdsem/Batyl júrek, 2012j.
Novyı Chelovek paýk/Jańa Órmekshi-adam, 2012j.
Ýnıversıtet Monstrov/Monstrlar Ýnıversıteti, 2013j.
Odınokıı reındjer/Jalǵyz reındjer, 2013j.
Jańa Órmekshi-adam: Kernegen qýat, 2014j.
Anyqtamalyq:
Zulym jalmaýyz Malefısenta týraly ertegi 400 jyl boıy túrli ataýlarmen baıandalyp keledi (keıbir ortaǵasyrlyq nanymdardy qosatyn bolsaq shamamen 1000). Onyń keıbir belgileri belgisiz avtordyń 1527 jylǵy prozalyq rysarlyq romanynda jáne ıtalándyq jazýshy Djambattısta Bazıleniń «Kún, Aı jáne Talıa» ertegisinde kórinis tapqan, ol «Ertegiler ertegisi» jınaǵyna («Pentameron») kirgen. Osy jınaqtyń taraýlary alǵash ret ertegi retinde basyp shyǵaryldy. 1697 jyly Sharl Perro óziniń «Ana Qazdyń ertegilerinde» oqıǵany óz nusqasynda baıandady. 1812 jyly aǵaıyndy Grımmder Perro sújetin tolyǵynan ózgertti. Zulym kúshtiń qaharyna ilikken sulý hanshaıymnyń tarıhy «Shıpovnıchek» dep ataldy.
XX ǵasyrda ertegimen «Uıqydaǵy arý» fılmin shyǵarǵan Disney senarısteri men anımatorlary aınalysty, ol 10 jyl túsirilimnen keıin 1959 jyly úlken ekranda kórindi jáne sol kezde Ýolt Dısneı stýdıasynda túsirilgen eń qymbat fılmge aınaldy.
2014 jylǵy «Malefısenta» fılminiń sújeti álemdik Disney stýdıasynyń «Uıqydaǵy arý» atty klasıkalyq fılminiń keıipkeriniń, anımasıadaǵy eń belgili jaýyzdardyń biriniń osy ýaqytqa deıin belgisiz tarıhyn baıandaıdy.
