Astanada Eýrazıa Odaǵyna qarsy is-shara ótkizbek bolǵan on adam "usaq buzaqylyq" jasady degen aıyppen úsh kúnnen tórt kúnge deıingi merzimderge ákimshilik qamaýǵa alyndy. Qamalǵandardyń arasynda is-sharadan habar daıyndaýǵa barǵan Azattyq tilshisi Órken Joıamergen de bar.

Azattyq tilshisiniń habarlaýynsha, "16/12" ınternet portalynyń jýrnalıseri Sanat Ýrnalıev pen Vıktor Gýdz de ákimshilik qamaýǵa alynǵan.

Esil aýdandyq ishki ister basqarmasynyń Astana qalasy aýdanaralyq mamandandyrylǵan ákimshilik sotyna jibergen raportynda Órken Joıamergenniń Qazaqstan ákimshilik quqyq buzýshylyq kodeksinde qarastyrylǵan "usaq buzaqylyq jasaǵany" aıtylǵan.

Astana qalasyndaǵy ákimshilik qamaýǵa alynǵandar ustalatyn abaqtynyń kezekshi bólimi jýrnalıs Órken Joıamergenniń tórt táýlikke qamalǵanyn Azattyqqa rastady.

27 mamyr kúni Astanada "Antıgeptıl" qozǵalysy men birqatar qala turǵyndary, jıyny 20 shaqty adam qala shetindegi Ilınka kentinde "antıeýrazıalyq jıyn" ótkizip, 29 mamyr - Eýrazıa Odaǵy týraly kelisimge qol qoıylatyn kúngi is-sharalaryn josparlamaq bolǵan. Belsendiler onda is-sharalar ótkizý úshin kıiz úıdi jalǵa alyp, jýrnalıserdi de shaqyrǵan. Olardyń izinshe barǵan polısıa jınalǵandardyń barlyǵyn ustap áketken.
 
Polısıa "antıeýrazıalyq" jıyn ótetin jerge jaqyn turatyn Astananyń jeti turǵynynan aryz túskenin, onda belsendiler "turǵyndarǵa dóreki sóılep", tipti keıbirine "qol jumsaǵany" jazylǵanyn aıtady.

Qamalǵan jýrnalıser men belsendiler ózderine taǵylǵan aıypty moıyndamaı, olarǵa qarsy jazylǵan shaǵymdy "Eýrazıa Odaǵyna qol qoıylatyn kún qarsańyndaǵy arandatýshylyq" dep ataıdy.

29 mamyr kúni Astanada Reseı, Qazaqstan men Belarýs prezıdentteri Eýrazıa ekonomıkalyq odaǵyn qurý týraly kelisimge qol qoıady dep habarlandy. Bul kún taıaǵan saıyn Almaty men Astanada Qazaqstannyń jańa bir aımaqtyq odaqqa kirýine qarsy azamattyq aksıalar jıi óte bastady.

http://www.azattyq.org