Ekonomıka jáne búdjetti josparlaý vıse-mınıstri Mádına Ábilqasymova hanymnyń qandastarǵa qatysty pikiri úkimet quramyndaǵy adamnyń aıtatyn sózi me? Júıkeme qatty tıip otyr. Bir zamandarda taǵdyrdyń tálkegimen aýa kóship, syrt jaılap ketken, keıin qyzyl aıaq qyr keship, jalań aıaq jar keship Atamekenge ańsap jetken baýyrlardyń (taǵdyrlarǵa) saýatsyzyn kórsem kózim soqyr bolsyn! Tizimge jasasaq jarty Qazaqstan bolar edi, degenmen Jaqsylyq Sámıtuly bastaǵan aqyn-jazýshylar, Zardyhan Qınaıat bastaǵan surapyl tarıhshylar, Otanbek pen Maıra, Erkin Ergen bastaǵan ánshi-kúıshiler, Shuǵyla syndy bıshiler, Qanat Islam bastaǵan sport sańlaqtary, mádenıet pen ónerde oza shaýyp olja salyp júrgen keıingi jastar,eldiń ekonomıkasyna qan júgirtip jatqan bıznes-elıtany qaıda qoıamyz? Orysshasy osal bolǵany úshin "basym kópshiligi saýatsyz..." dep dál osylaı qatań pikirdi qalyń buqaranyń talqylaýyna tastaýǵa bola ma? Mádınanyń ákesi, bir kezdegi parlament depýtaty Erasyl Ábilqasymovtyń "jobalary" el esinen shyǵa qoıǵan joq. Al, qyzyniki ne joba?