Denıs Ten Qazaq-Brıtan tehnıkalyq ýnıversıtetiniń stýdenti boldy. Bul týraly sportshy tvıtterdegi óziniń paraqshasynda jarıalady, - dep habarlaıdy Tengrinews.kz.
Ol "Búginnen bastap men Qazaq-Brıtan Tehnıkalyq Ýnıversıtetiniń stýdentimin. Ýra!", - dep jazǵan. Denıs Tenniń anasynyń aıtýyna qaraǵanda, ol "Aqparattyq júıe" mamandyǵy boıynsha oqyp, "Sandyq medıatehnologıalardy" meńgeretin bolady. Sondaı-aq onyń aıtýy boıynsha, osy jyly Denıs Ten Sport jáne týrızm akademıasynyń daıarlaý jáne biliktiligin arttyrý bóliminde daıyndyq fakúltetin bitirgen. Mánerlep syrǵanaýshy 12 maýsymda dıplomyn alady.
Eske salaıyq, Denıs Ten Sochıdegi Olımpıada oıyndarynda Qazaqstan quramasynyń sapynda qola júldeni jeńip alǵan jalǵyz sportshy. Olımpıadadan keıin ol "Qurmet" ordenimen marapattalǵan. Sonymen qatar Almaty qalasynyń ákimi Ahmetjan Esimov Denıske Chevrolet Cruze avtokóliginiń kiltin berdi. Odan bólek Denıs Ten "Jyl sportshysy" baıqaýynda "Qarqyndy sportshy" nomınasıasyn jeńip aldy.
