Pavlodar oblysynyń burynǵy ákimi, kezindegi Qazaqstannyń demokratıalyq tańdaýy qozǵalysynyń negizin qalaýshylardyń biri Ǵalymjan Jaqıanov Massachýsets ýnıversıtetiniń magıstry atandy. Joldasynyń dıplomdy oıdaǵydaı qorǵap shyqqanyn jubaıy Qarlyǵash Jaqıanova óziniń jeke feısbýk paraqshasynda habarlap, magıstr kıimimen túsken sýretin jarıalaǵan. Bul týraly Nur.kz jazdy. Álemniń eń bedeldi ýnıversıtetteriniń birinde bıznesti basqarýdan magıstr atanyp shyqqan Ǵalymjan Jaqıanov birneshe jyldan beri AQSH-ta bala-shaǵasymen birge jeke úı jaldap turyp jatyr.

Aıta keteıik, Jaqıanov Qazaqstan tarıhyndaǵy eń jas ákim bolǵan. Ol 2001 jyly Pavlodar oblysyn basqaryp turǵan kezinde memlekettik qyzmetkerlermen birge “Qazaqstannyń demokratıalyq tańdaýy” qozǵalysyn quryp, qozǵalystyń tóraǵasy bolyp saılanady. Biraq, 2002 jyly qamaýǵa alynyp, qyzmet babyn asyra paıdalandy degen aıyppen 7 jylǵa sottalǵan bolatyn.