Belgili aqyn Aqberen Elgezek Qorǵanys jáne aeroǵarysh ónerkásibi mınıstriniń baspasóz xatshysy boldy, dep habarlaıdy "Qamshy" portaly. Bul týraly ol facebook paraqshasynda málim etti.

"Qadirli aǵaıyn! Elordaǵa oraldyq. Qazaqstan Respýblıkasynyń Qorǵanys jáne aeroǵarysh ónerkásibi Mınıstriniń baspasóz xatshysy laýazymyna taǵaıyndaldyq. Jýrnalıs áriptesterime qoldan kelgen kómegimdi kórsetýge daıarmyn", - dep jazdy buǵan deıin OQO oblys ákimi apparat basshysy orynbasary qyzmetinde bolǵan ol.

Aqberen Elgezek 1980 jyly dúnıege kelgen. Semeı oblysy Shubartaý aýdany Mádenıet aýylynda E.Rahmadıev atyndaǵy orta mektepti bitirgen. Ál-Farabı atyndaǵy QazUÝ-diń tarıh fakúltetiniń túlegi. Qazaqstan Jazýshylar odaǵynyń múshesi. Qazaqstan «Serper» jastar syılyǵynyń, T.Aıbergenov atyndaǵy syılyqtyń jáne Memlekettik «Daryn» jastar syılyǵynyń, «Altyn qalam» qoǵamdyq syılyǵynyń ıegeri. «Qazaq ádebıetin qoldaý» qoǵamdyq qorynyń jetekshisi. «Kentavr» ulttyq ádebı aptalyǵynyń negizin qalaýshy. «Kóleńkeler kúbiri» atty jyr jınaǵy jaryq kórgen. Ivan Býnın, Dmıtrıı Merejkovskıı, Varlam Shalamov, Vladımır Vysoskıı, Gııom Apollıner shyǵarmalaryn aýdarǵan. 2001 – 2003 j j. – Almaty qalalyq Ishki saıasat departamentiniń bas mamany. 2003 – 2004 j j. – QR Ulttyq ınjenerlik akademıasy Prezıdentiniń keńesshisi. 2004 – 2008 j j. – Almaty qalasynyń Aqparattyq-taldaý ortalyǵynyń dırektory. 2009 j. – ál-Farabı atyndaǵy Qazaq ulttyq ýnıversıteti jastar uıymdarymen jumys isteý bóliminiń bastyǵy. 2009 – 2010 jj. – DQQ qarasty «Atajurt» baspasynyń bas redaktory. 2010 – 2011 j j. – «Bóbek» UǴPSO-nyń Adamdy úılesimdi damytý ınstıtýtynyń dırektory. 2011 j. – «Bóbek» UǴPSO-nyń Bas dırektory mindetin atqarýshy. 2012 j. QR Bilim jáne ǵylym mınıstrligi «Aqparattyq-taldaý ortalyǵy» AQ-nyń vıse-prezıdenti. Sondaı-aq ult.kz ınternet basylymynyń qurýshysy.