Qazaqstan Koreıa Respýblıkasynyń Koreı túbegin bolashaqta biriktirý ıdeıasyna qoldaý bildiredi. Bul týraly búgin Aqordada elimizge alǵashqy memlekettik saparmen kelgen Koreıa Respýblıkasynyń Prezıdenti Pak Kyn Hemen keńeıtilgen quramdaǵy kelissózder barysynda Elbasy Nursultan Nazarbaev aıtqan.

«Búgin shaǵyn quramdaǵy kelissózder barysynda biz sizben ekijaqty, óńirlik mańyzdaǵy taqyryptardyń keń aýqymyn talqyladyq. Birqatar halyqaralyq máselelerdegi bizderdiń ustanymdarymyzdyń uqsastyǵyn bildirdik jáne tyǵyz suhbattastyqty jalǵastyrýǵa ýaǵdalastyq», - degen  Elbasy óz sózinde.

Sondaı-aq QazAqparattyń habarlaýynsha N.Nazarbaev Koreıa nebári eki býyn almasqan ýaqyttyń ishinde  ekonomıkalyq tańǵajaıyp áreketterge baryp,  kedeı agrarlyq elden álemniń úzdik jıyrma derjavasynyń qatarynan oryn alǵanyn atap ótken. Prezıdent sonymen qatar Koreıa  Respýblıkasynyń Soltústik Koreıanyń ıadrolyq qarýǵa ıe bolýyna qarsylyǵyna jáne bolashaqqa koreı túbegin biriktirý ıdeıasyna myǵym qoldaý bildiretindigin  basa aıtty.

Aıta ketetin bolsaq Koreıa Respýblıkasy ekinshi dúnıe júzilik soǵys kezinde Japonıa shabýylyna ushyrady. 1948 jyly Koreı túbeginiń soltústigi tarapyna ornalasqan SSSR áskeri men Ońtústigine ornalasqan AQSH áskeri eldi ekige bóldi. 38 paralel soǵys jaǵdaıynda shekara bolyp, Koreıa ońtústik, soltústik bolyp soǵysty.