Ár eldiń ózine tán óte dóreki, anaıy, shekten shyqqan balaǵat sózderi bolady. Ony estigende beıádep sózge jaqyn adamdardyń ózi qyzaryp ketýi múmkin. Qurylysshylar men saýdagerler úshin tań emes sondaı sózdiń endi úlken-kishi, kári-jas, áıel-erkek, bala-shaǵa túgel aıtatyn sózge aınalǵanyn elestetip kórińizshi. Daǵdarysqa túsken Ýkraınada Reseı prezıdenti Vladımır Pýtındi er adamnyń múshesine teńegen dóreki sóz «Yes We Can» («Shamamyz jetedi») nemese «Vive La Revolution» («Revolúsıa jasasyn») degen áıgili tirkester tárizdi uranǵa aınalyp ketti. Basqa da maǵynalary bar bul sóz bannerler men úılerdiń qabyrǵalaryna jazylyp, Reseıdiń áreketine narazy myńdaǵan ýkraınalyqtyń aýzynan túspeıtin boldy. «Pýtın – ...» degen tirkes ánge aınalyp, ony Táýelsizdik alańyna kelgender shyrqap, tipti Japonıa men Kalıfornıadaǵy Ýkraınaǵa nıettes adamdar da sony qaıtalady...

http://www.azattyq.org/