Qazirgi Qazaqstannyń, onyń bilermen bıliginiń qanshalyqty keremet bolǵandyǵyn tarıhta qaldyratyn atyshýly sot jalǵasyp jatyr. Óli Gıtler bar, tiri ardegerler bar... Jabylyp Jarlyqap Qalybaıdy sottamaq.

Kezekti tyńdaý keshe Almaly aýdandyq sotynda ótti. Oǵan Qazaq baspasóziniń ókilderi jáne kýáger retinde aqyn Muhtar Shahanov qatysty. «Ańyz adam» jýrnalyn jaýapqa tartýshy jaqtyń ókili Ahmetovtiń talap-aryzdy «naqtylap» kelýine baılanysty sot keıinge shegerildi. Sondaǵy naqtylaý burynǵy talap-aryzdaǵy «Jarıaly túrde keshirim surasyn» degen sóılemniń qataryna «Keshirim suraýdyń mátinin BAQ betterinde jarıalasyn» degen jańa tilek aıtypty. Kýáger retinde tartylǵan M.Shahanov myrza «Ǵasyr qasireti» dep at qoıyp, Gıtlerdiń  barlyq zulymdyǵyn ashyp kórsetken «Ańyz adam» jýrnalyn sotqa tartý – eń masqara, japtym jala, jaqtym kúıeniń ózi» dep otyr. «Mundaı soraqylyq tek Qazaqstanda ǵana bolatyn shyǵar, sondyqtan Sot tóraǵasy ádil sheshim shyǵaryńyz» dep kesip aıtty.

Sóıtip, búgingi jaryssóz saǵat 11:00-de Almaly aýdandyq sotynda ótedi. Mekenjaıy: Almaty qalasy, Tóle bı kóshesi, 267-úı, 5-zal. (Tilendıev kóshesiniń qıylysy, «Kaspıı» meıramhanasynyń artynda).