Tanymal qazaqstandyq gerlz-bendterdiń biri KeshYOU tobynyń quramy taǵy ózgeretin boldy. QazAqparattyń jazýynsha, bul týraly top múshesi Aqbota Seıitmaǵambet aıtty.
KeshYOU-diń prodúseri Baıan Esentaeva san márte ózgergen toptyń sońǵy jańa quramyn 2015 jyldyń aqpan aıynda tanystyrǵan bolatyn. Asqar Uzabaevtyń «Glamýr dlá dýr» atty jańa fılmine túsken Aqbota Seıitmaǵambet «Gakký» arnasyna suhbat berý barysynda KeshYOUdiń quramynan shyǵýdy josparlaıtyndyǵyn aıtty. «Barlyq qyzdar KeshYOU tobynyń múshesi bolǵysy keledi. Men de ketkim kelmeıdi. Biraq otbasylyq jaǵdaıyma baılanysty ketýge májbúrmin», - dedi ol. 19 jastaǵy Aqbota armany ana ataný ekendigin aıtyp ótti. «Alla qalasa, men de ana bolamyn. Áıel baqytyna jetýge tilekshilerim kóp. Men aıaýly jar atanýym kerek», - deıdi ánshi. A.Seıitmaǵambet Ońtústik Qazaqstan oblysy Kentaý qalasyny týmasy.
Búgingi kúni KeshYOU tobynyń quramynda sondaı-aq, syr eliniń týmasy 20 jastaǵy Baljan Bıdash pen Almaty oblysy Uzynaǵash qalasynda dúnıege kelgen 20 jastaǵy Juldyz Ómirǵalı bar. Baıan Esentaevanyń 2006 jyly negizi qalanǵan atalmysh jobasynda ár jyldary Ánel Arynova, Zýmrad Garaeva, Móldir Áýelbekova, Naılá Zaıytova, Kámshat Joldybaeva, Janar Duǵalova jáne Aıdana Medenovalar án shyrqady.
