Dısneıdiń taǵy bir týyndysy qazaq tiline aýdaryldy, – dep habarlaıdy 24.kz. Bul joly kórermen nazaryna «Moana» múltfılmi jol tartatyn bolady. Astana, Almaty jáne Shymkent qalalarynda onyń aldyn ala kórsetilimi ótti.

Qazaq tilinde dybystalǵan múltfılm Tynyq muhıtynyń araldaryndaǵy ańyz-ertegilerge sapar shektiredi. Dálirek aıtqanda, osydan 2 myń jyl buryn aımaqty meken etken adamdardyń tynys-tirshiligin kórsetip, tylsym qubylystardy baıandaıdy. Joba jetekshileri álem boıynsha bul týyndyǵa degen suranystyń arta túskenin aıtyp otyr. Sondyqtan ony qazaq tiline aýdaryp, jas urpaqqa tárbıelik mánin nasıhattaýdy qolǵa alǵan. Aıta keteıik, bul týyndyny 30-dan asa qazaqstandyq aktór dybystady.

Nazerke Serikbolova, Aktrısa:

- Sújet jalpy óte qyzyqty. Men dybystap jatqan sátterde kúlip qoıyp, óz-ózimizdi jınaı almaǵan kezder kóp boldy. Sosyn aıqaılaı salady, Moananyń daýysynyń ózgirip sala beredi. Tek qana dybyspen sol qyzdyń ne oılap turǵanyn, jylap turǵanyn barlyǵyn kórsetý kerek boldy.

Aıdar Mahmetov, Joba jetekshisi:

- Bolashaq qaýymdastyǵy 15 Gollıvýd fılmin qazaqsha aýdarǵan bolatyn. Sol dástúrin úzbeı, búgin 16-ret usynamyz. Maqsat – qazaq tilin joǵaryǵa kóterý.