Baıqońyrda ushýǵa ornatylǵan "Soıýz-Ý"zymyran tasyǵyshy. 29 qarasha 2016 jyl.
Roskosmostyń málimetinshe, Baıqońyrdan Halyqaralyq ǵarysh stansıasyna ushyrylǵan ǵaryshkeri joq "Progres MS-04" júk kemesi aýada janyp ketti. "Progres MS-04"-pen jáne ony tirkep ushqan "Soıýz-Ý" zymyran tasyǵyshymen baılanys keme 1 jeltoqsanda ushyrylǵannan soń alty mınýt 23 sekýndtan keıin joǵalǵan. Baılanys qozǵaltqyshtyń úshinshi satysy qosylǵanda úzilip, keme orbıtaǵa shyǵa almaǵan. Bul týraly «Azattyq» habarlady.
Roskosmostyń málimdeýinshe, ǵarysh kemesi Tývadaǵy halyq az qonystanǵan taýly aımaqtyń áýe keńistiginde janǵan. Boljam boıynsha, kemeniń eń úlken bólshekteri aýanyń tyǵyz qabattarynda janyp ketken. "Progres MS-04" halyqaralyq ǵarysh stansıasyna 3 jeltoqsanda jetip, 2,4 tonna janarmaı, qural-jabdyq pen azyq-túlik jetkizýi tıis bolǵan. France Press agenttiginiń Máskeýdegi tilshisi keme bortynda stansıada rojdestvony atap ótýge arnalǵan syılyqtar men táttiler de bolǵanyn aıtady.
Tyva qarýly kúshterindegi RIA «Novostı» derekkóziniń habarlaýynsha, ǵarysh júk kemesiniń synyqtary dál osy óńirge qulaǵan. Onyń aıtýynsha, «Progres» dep atalatyn kemeniń synyqtary qulaýy múmkin oryn kýágerlerdiń sózi boıynsha tekserilip jatyr.
Jýrnalıserge kýágerlerdiń Tyvadaǵy Ishtıa-Hem eldimekeniniń tusynan ot jaryqshaqtaryn kórgeni habarlandy.
Tyva men Hakasıa turǵyndary áleýmettik jelilerde ot jaryqshaqtaryn dál ǵarysh kemesi qulaǵan ýaqytta kórgenin jazyp jatyr.
Máselen, Saıanogorsk (Hakasıa) turǵyny «V kontakte» jelisinde jergilikti ýaqytpen saǵat 22:10-da aspannan romb tárizdi úlken bir obekt kórgenin aıtady. Ony olar meteorıt dep oılaǵan. Saıanogorsk turǵyndarynyń biriniń aıtýynsha, aspandaǵy belgisiz nysandar túrli tústi bolǵan. Internette ǵarysh júk kemesi synyqtarynyń qulaǵany bolýy múmkin vıdeo paıda boldy.
Reseı 2015 jyly sáýirde "Progres" kemesi apatqa ushyraǵan soń ushyrylymdy úsh aıǵa toqtatqan.
Aıta keter bolsaq, sońǵy jyldary Turan oıpatynda kıik ólimi jıiledi. Beı resmı aqparat boıynsha birneshe júz myń kıik jaıylyp júrgen jerinde qyrylyp qalǵan. Alańdaǵan jurt buny Baıqońyrdan ushqan zymyrandardan kóredi. Ýly geptılden tek janýarlar ǵana emes ekologıa da aýyr zardap shegip jatyr. Alaıda, bılik bul istiń sebebin basqasha túsindiredi.
