QR Dopıngke qarsy Ulttyq ortalyǵynyń dırektory Maıra Baqasheva qazaqstandyq sportshylardyń qanynan tabylǵan dopıng, sporttyq taǵam arqyly berilýi múmkin dep boljaıdy.

Maıra Baqasheva tyıym salynǵan zattar az mólsherde bıologılyq qospalarda jáne sporttyq asta bolýy múmkin degen toqtamǵa kelip otyr. Bul sportshylardyń óz qalyptaryn tepe-teńdikte ustaý úshin qoldanady. Al, 2008 jyly Qytaıda jáne 2012 jyly Anglıada bolǵan olımpıadadaǵy qazaqstandyq jeńimpazdar tyıym salynǵan preparattardan «taza» boldy degen oıda. 

2008, 2012 jylǵy tekseristiń nátıjesi qazaqstandyq sportshylar úshin oń nátıjesin kórsetken. Alaıda, 2012 jyldyń aıaǵynda, 2013 jyldyń basynda tyıym salynǵan zattardy tabýdyń jańa ádisi shyqty. Ol boıynsha, mamandar aǵzada uzaq ýaqyt júrgen kishkentaı qaldyq metobolıtterdi kóre alady. Osy saraptamanyń nátıjesinde kóptegen sportshylardan tyıym salynǵan zattardy tapqan, dep boljaıdy M.Baqasheva.

Maıra hanym, jaǵdaıdy ózgertý úshin oqý baǵdarlamalaryn engizý eń tıimdi ádis dep sanaıdy. Ol arqyly sportshylar aǵzaǵa dopıng qandaı joldarmen túsýi múmkin ekenin jáne ózin qalaı qorǵaýǵa bolady degen saýaldarǵa jaýap taba alady. Oǵan tek sportshylar ǵana emes, jattyqtyrýshylar, sport dárigerleri qatysady. Dese de, qazaqstandyq sportta dopıngke qarsy erejelerdiń buzylýy qaýpi joǵary ekenin eskertti. Ol sportshylardyń jaǵdaıyn jaqsartý maqsatynda qoldanylatyn dári, as arqyly aǵzaǵa túsý múmkindigi zor.

Sportshylardyń synamasy endi  10 jylǵa deıin saqtalady. Buryn 8 jylǵa deıin saqtalatyn.