Hromtaý aýdanyna qarasty Bógetsaı aýylynda bolǵan Berdibek Saparbaev sońǵy jyldary elimizde básekelestiktiń artqanyn aıta otyryp, nátıjesinde nan men et óndirisiniń kólemi ulǵaıǵandyǵyn málimdedi.

"Básekelestiktiń damýy – bazardaǵy baǵanyń sharyqtap ketýine jol bermeıtin birden-bir amal. Etti, sútti, nandy barynsha kóp óndirýimiz qajet. Or ózenin de tıimdi paıdalanǵan jón, mańaıyna egin egip, bizdiń aımaqty damytýlaryńyz kerek", - dedi Aqtóbe oblysynyń ákimi aýyl halqyna.

Saparbaevtyń aıtýynsha, tek qant pen shaı óndirisimen toqtap qalýǵa bolmaıdy. Aýyl halqy ózin-ózi barlyq azyq-túlikpen qamtamasyz etetin jaǵdaıda bolý kerek.

"Ókinishke qaraı, biz qazir bárimiz daıyn asqa úırenip aldyq. Aýylda nandy, etti, sútti, jumyrtqany satyp alyp jeý degen durys emes, uıat. Árbir aýyl turǵynynda bul tamaqtyń bári óz úıinde bolýy kerek. Bizdiń kelinderimiz erinshek bolyp ketken. Biraq, jaǵdaı retteledi dep úmittenemin. Biz ózimizdi ózimiz qamtamasyz etýimiz qajet", - dedi B.Saparbaev.