Elbasymyzdyń ashýyna tıgen sheneýnikter jaıly maqala Kapital.kz saıtynda jarıalanǵan bolatyn. Oqyrman nazaryna qamshy portaly qazaqsha nusqasyn usynady.

Elbasynyń aıtýynsha, mınıstrliktiń saýda júıesindegi  jumystaryn  nashar júrgizýleri  ultaralyq kompanıalarmen jumys atqarýǵa kedergi keltirip  otyr.

Mınıstr qyzmetkerlerin jumysty tolyq ári tyńǵylyqty atqarmaǵandyqtan kóptegen aýqymdy  ultaralyq  kompanıalar elimizge kire almaı otyr. Bul másele jaıyndaǵy oıyn Elbasy Nursultan Nazarbaev búgingi ótken telekópirde jetkizgen bolatyn.

«Kóptegen alpaýyt ultaralyq koıpanıalarmen seriktestik jasaýǵa úlken múmkindik bar. Ol kompanıalarda daıyn ótimdilik naryq bar, úlken múmkindikterge ıe, jabdyqtalǵan tehnologıalar bar. Sol sebepti  ol kompanıalarmen  seriktes bolý úshin bizge degen qyzyǵýshylyqtaryn qalaı arttyrý kerektigin oılaýymyz qajet, men olarmen kelissóz júrgizý úshin kezdesip, sóılesemin. Olar: «Biz Qazaqstanǵa baramyz» deıdi. Iá, keledi, keledi de bir mınıstrlikke baryp bir tyǵylady, ekinshisine baryp bir tyǵylady, odan qalsa olardy dálizderde qýdalaıdy, sonan soń Qazaqstanǵa túkirgenim bar dep ketedi», - dep bar atap ótti.

Nursultan Nazarbaev óz qamdary úshin ǵana jumys jasap, ózine júktelgen mindetti durys atqarmaıtyn sheneýnikterge jumystan qýatyndyǵyn aıtyp eskertti. Quzyrly ınvestorlardy ózderine qyzyqtyrýda baıaý jumys isteıtin bolsa ornyn bosata berýine bolatyndyǵyn málimdedi.

«Sonda bizdiń el kompanıalarmen osylaı jumys isteıdi me? Sol sebepten de eskertemin: Ótken jylda men kelissóz júrgizgen kompanıalarmen atqarylǵan jumystar bolýy kerek. Sol ister jaıly maǵan tez arada jazbasha esep tapsyrýlaryńyzdy talap etemin. Eger ondaı qorytyndy esep bolmasa, demek, bizdikiler olardy qýyp shyqty dep bilemin. Dál sol qýdalaıtyndarmen men jumys jasamaımyn, men sol adamdardy qyzmetterinen qýamyn», - dep, óz sheshimin jarıa etti.

Aýdarǵan: Labıhan Nazerke