Aǵasymen birge izdeýde júrgen eks-májilismenniń vıdeosy áleýmettik jelide tarap, qyzý talqylanyp jatyr. Bul týraly KTK arnasy habarlady. 

Beınerolıkte oryndalyp jatqan «Shynar-aý» ániniń 2014-shi jyldyń aıaq jaǵynda shyqqanyn eskersek, bul beınerolık byltyr jazda túsirilgen bolý múmkin. Osy kóńildi otyrysqa qatysqan, biraq ózderin jarıalamaýdy jón kórgen keıbir azamattardyń aıtýynsha, rolık Atyraýdaǵy jeke turǵyn úılerdiń birinde túsirilgen. Ekrandaǵy kishi Rysqalıge qol bulǵaǵan qonaqtardyń buǵan túk tań qalmaǵandaryna qaraǵanda, izdeýdegi eks-depýtat týystarymen buryn da osylaı tildesip júrgenge uqsaıdy. Biraq eshbir quzyrly organ bul taspaǵa qatysty túsinikteme berýge qulyqsyz. Atyraý oblysynyń burynǵy ákimi Bergeı Rysqalıev pen onyń inisi Amanjanǵa jáne ózge taǵy da 11 adamǵa 4 jyl buryn izdeý jarıalaǵan bolatyn. Olarǵa qylmystyq top quryp, memlekettiń 71 mlrd teńgesin jymqyrdy degen aıyp taǵylǵan.

Bul derekterge súıenetin bolsaq, elimizdiń aqshasyn jymqyrǵan depýtatty tabý qıyn bolmaǵan, quzyrly organdar tek elge kózboıaý retinde qurylǵan qylmystyq toptyń esh nátıje bermegendigin baıqaýǵa bolady. Birneshe aıdan beri jalaqylaryn, áleýmettik járdemaqylaryn ala almaı júrgen qanshama qandastarymyzdyń obalyna qalǵan dál mundaı jatypisherlerdi aýyzdyqtaýdyń qandaı jorly bar? Álde elimiz osyndaı pysyqaılarǵa jem bolǵany bolǵan ba? Kimdi de bolsa bul suraqtar tolǵandyrýy shart.