Facebook, Microsoft, Twitter jáne YouTube ózara kelisimge keldi. Oǵan sáıkes, atalmysh kompanıalar óz saıty arqyly ekstremıstik saryndaǵy sýret pen beınelerdi taratýdy toqtatpaq dep habarlaıdy bbc.com orys qyzmeti.

İri 4 kompanıa ortaq baza qurýdy josparlap otyr. Ol arqyly kontentterdiń júktemelerin baqylap otyrady. Ekstremıstik negizdegi jazbalar paıda bolsa taralmaı turyp ony joıyp otyrady. Mıkroblog saıtynyń ókili Twitter-de radıkaldy, adam psıhıkasyna keri áser beretin foto men beıne materıaldardy shekteýge de baǵyttalǵanyn jazdy.

Ekstremıstik saryndaǵy materıaldardy shektegisi keletin basqa da kompanıalar derekózge qosyla alady.

Osydan jarty jyl buryn Eýro Odaqtyń ataýymen Facebook, Microsoft, Twitter jáne YouTube 24 saǵatta násildik bólinýshilikke shaqyratyn mazmundaǵy materıaldardy óshirip otyrýǵa ýaǵdalasqan bolatyn. Alaıda, zań máseleleri boıynsha eýrokomıssar Vera Iýrova amerıkandyq kompanıalar óz qyzmetterin oryndaı almaǵanyn málimdegen. V.Iýrova, aty atalǵan kompanıalar jyldam jumys istemese, Brússel zań túrinde mindetin atqarýǵa májbúrleıtinin eskertti.