Juldyzdar shoǵyrynyń árbir juldyzy jarqyrap janǵan saıyn kedergileri men daýlary kóbeıýde. Keshe ǵana halyq ártisimiz- Roza Rymbaevanyń ulttyq taǵamdy ulyqtaýy daýǵa aınalyp arty Baqtıar Artaevtyń bireýdi urdy degen jalǵan aqparymen tolyǵyp, endi mine estrada juldyzymyz Qaırat Nurtastyń da basy daýǵa qaldy. Q.Nurtastyń bul birinshi daýy emes. «Praım-Plazanyń» aldynda bolǵan janjaldyń shoǵy qaıta kelip qaırattyń etegine tústi. Dálirek aıtsaq, MCKZ arnasynyń ashylý saltanaty keshine belgili ánshi Qaırat Nurtas keledi dep josparlanyp, jurt jabyla bılet alǵan. Ókinishke oraı alaıaqtardyń aldaýyna túsip qalǵan jalǵyz halyq emes ánshiniń ózi de bolyp otyr. Án salýǵa kelgen Qaıratty eshkimde kútip almaǵan, ári uıymdastyrýshylarda izim-qaıym joq bolyp ketken. Q.Nurtas tek basqa juldyzdar sekildi bir-eki án aıtyp ketýi kerek bolǵan. Biraq, halyq basqasha aqpar alǵan soń ánshiniń daıyndyqsyz kelip bir-eki ánin qaıtalap aıta berýine de týra kelgen. Bárinen buryn balasy úshin shyr-pyr bolǵan anasy ári prodúseri – Gúlzıra Aıdarbekova. Balasy eldi sabyrǵa shaqyrý úshin ortaǵa shyǵyp, « qurmetti kórermender, men basqa ánshiler sıaqty kelip án aıtyp ketýim ǵana kerek bolǵan. Biraq, osyndaı keleńsiz jaǵdaıǵa tap kelip otyrmyz ári otyrmyn. Bılette keshtiń qonaǵy Qaırat Nurtas dep tur, qarańyzdar. Men Qaırat Nurtas bolǵannan keıin meniń sýretimdi shyǵaryp qoıǵan, kak býdto meniń konsertim sıaqty. Eger ruqsat bolsa men án salyp bereıin álde qaltamnan aqshalaryńyzdy qaıtaryp bereıin» -dep aǵynan jarylǵan Qaıratqa halyq «án salsyn» dep shyrqap edi. Biraq, sońynan anasyna kelip aqsha talap etken.

Mıra Aqjigitova esimdi konsertke qatysýshy azamatshanyń bergen suhbaty. Suhbatty daıyndaǵan «Masaget.kz» saıyty. - Bıletti 3500 teńgege aldyq. Qaırat Nurtastyń qatysýymen bir telearna ashylýy kerek eken, Qaırat 1 saǵat án aıtady degen, taǵy basqa ánshiler bolady dep habarlaǵan. Ashylýy Balýan Sholaq atyndaǵy sport saraıynda bolady dedlindi. Búgin tústen keıin – Atakentte bolady dedi. Atakentke de bardyq. Sóıtsek, Raıymbek kóshesindegi «Dáýlet» meıramhanasynda bolady dep taǵy ózgertti. Sonda taksımen bardyq, zal toly eken. 20-30 shaqty adam dalada tońyp turdyq. Sol turǵanymyzdy Qaırat Nurtastyń anasy Gúlzıra Aıdarbekova kórip, telefon nomerlerimizdi jazyp ber dedi. Biraq keıin ózi joq bolyp ketti. Admınıstrator keledi degen soń, ony da kúttik. Biraq eshkim kelmedi. Sosyn sonda aryz jazdyq.

Daýdyń basy Daırabaıdyń sıyry demekshi, eldiń daýy – juldyzdar bolyp ketkeni oǵashtaý.

Marulan Aqan