Batys Qazaqstan oblysyndaǵy Shalǵaı aýylynda aýyl ákiminiń 22 jastaǵy júrgizýshisi Vıktor Iakovenko óli tabyldy, - dep habarlaıdy kaz.caravan.kz

Jigittiń denesi 2 jeltoqsanda óziniń úıinen tabyldy. Onyń qylǵynyp ólgeni habarlanyp otyr. Sol kúni ol jumysqa shyqpaǵan eken. Vıktor Iakovenkonyń denesin onyń úıine kelgen baýyry kórgen.

"Men osymen ekinshi apta ǵana ákim bolyp qyzmet etip júrmin. Qaza tapqan jigitpen jaqsy tanys emespin. Jigittiń minezi jaqsy edi, eshqandaı da zıan ádetteri bolǵan emes. Bizdiń ákimdikte shamamen eki jyldaı jumys istedi", - dedi aýyl ákimi Talǵat Qantemirov.

Vıktor Iakovenko 5 jeltoqsanda óz aýylynda jerlendi. Keıinirek jigittiń ólimine qatysty keıbir derekter belgili boldy. Kýágerlerdiń aıtýynsha, Vıktorǵa áıeldiń kıimderi kıgizilgen. Kórshiler qaza tapqan jigittiń óz úıinde oryndyqqa baılaýly tabylǵanyn aıtty. Onyń tipti ish kıimi de áıeldiki bolǵan. "Al aýzynda áıeldiń shulyǵy bolǵan. Ony óltirgender shulyqty jas jigittiń aýzyna tyqqany sonsha, onyń alyp shyǵý múmkin bolmaǵan", - dep jazady basylym.

Aıta keteıik, qazirgi ýaqytta aýylda tergeý toby jumys istep jatyr. Jergilikti turǵyndardyń aıtýynsha, polıseıler aýyldaǵy barlyq jasóspirimnen jaýap alyp jatyr. Biraq quqyq qorǵaý organdarynyń eshqaısysy ázirshe bul oqıǵaǵa qatysty túsinik bergen joq.