Áleýmettik jelide PewDiePie degen laqap atpen tanymal shvedtik geımer (oıynshy) Felıks Shelberg ekinshi jyl qatarynan  Forbes jýrnalynyń nusqasy boıynsha álemdegi baı vıdeoblogerlerdiń kóshin bastap tur. Sarapshylar 50 mıllıon jazylýshysy bar shvedtiktiń tabysyn ótken jyldyń maýsym aıynan 2016 jyldyń maýsym aıyna deıin 15 mıllıon dollar dep baǵalap otyr.

Budan burynǵy tabysy 12 mıllıon dollardy quraǵan bolatyn. Jýrnaldyń túsindirýi boıynsha Shelbergtiń tabysy onyń YouTube kanalyndaǵy vıdeohostınginiń tanymaldylyǵyna baılanysty emes eken. Oǵan qosymsha 100 myń danamen satylyp ketken kitaptary da áser etken.

Ekinshi oryndy bir jylǵa 8 mıllıon dollar tabys tapqan Roman Etvýd atty vıdeobloger ıelendi. Tabysynyń jartysyn ol jádigerleri jáne «Týa bitken qaljynbastar» atty fılminen tapqan.

Úshinshi orynda stendap-kúldirgi ártis Lıllı Sıngh tur. Onyń tabysy bir jylda úsh esege ósip 7,5 mıllıon dollardy quraǵan. Blogerlikten bólek qosymsha ol óziniń jeke brendin satýmen paıda tabady.

Jýrnalda barlyǵy 12 vıdeoblogerlerdiń tizimi berilgen. Sarapshylardyń pikirinshe barlyǵynyń qarjysy 70 mıllıon dollardy quraıdy. Iaǵnı, byltyrǵy jylmen salystyrǵanda 23%-ǵa ósken.

Aýdarǵan Áıgerim Ámir