Aqtaýdaǵy eki búldirshinniń ólimine qatysty portalynda maqala jarıalanyp edi. Sonyń qazaqsha nusqasyn Qamshy portaly oqyrmandar nazaryna usynady.

Prokýrordyń aıtýynsha, bul qylmystyń aq-qarasy áli kúnge deıin anyqtalmady. Zertteý jumystary oıǵa qonymdy aqparat bermegendikten zertteý jumystary uzaqqa sozylyp otyrǵanyn málimdedi. Sol sebepti de naqty qylmyskerdiń atyn ataý ázirshe múmkin bolmaı tur.

Ólimniń sebebin anyqtaý maqsatynda tergeýshiler mamyr aıynda Astana qalasynda júrgizilgen zertteý barysynda  medısınalyq jáne taksıkologıalyq komısıalar taǵaıyndaǵan bolatyn.

«Óte kúrdeli is. Qylmeskerlerdi tabý úshin qazirgi tańda tergeý jumystary úsh baǵytta júrgizilip jatyr. Birinshisi – jándikterdi ýlaýmen aınalysatyn kórshilerin tergeý jumysy. Ekinshisi – búldirshinderge medısınalyq kómek qanshalyqty jaqsy kórsetildi jáne de ne sebepti olar kóz jumdy? Úshinshisi – ata-analary páterde gazdyń ıisi bar ekenin bile tura ol jerge nege qaıta oraldy?» - dep habarlady prokýror.

Tómengi qabatta turatyn kórshileriniń úıin tintý nátıjesinde úsh shólmek ýksýs qyshqyly jáne de úsh shólmek quramynda hlory bar aǵartqysh suıyqtyq tabyldy.

Sotqa deıingi zertteý jumystary QR zańynyń 317-baby 4-tarmaǵyna sáıkes medısınalyq mamandardyń qatysýymen júrgizildi.

Naýryzdyń 13-de qalalyq balalar emhanasyna 6 birdeı otbasynyń balalary ýlaný sebebimen túsken bolatyn. Búldirshinderdiń anasy balalary kóz jumbaı turyp bir kún buryn tómengi qabattaǵy kórshisi páterdegi qandalalrdy ýlaý maqsatynda tazartý jumystaryn júrgizgen eken.

Dárigerler balalrdy aýrýhanaǵa qabyldaýdan bas tartyp, úılerine qaıtaryp jibergen. Sol kúni búldirshinderdiń jaǵdaıy tómendep, qaıtadan dárigerlerge barýǵa májbúr bolǵan. Tórt jastaǵy Múslim Tımýrkeev komaǵa túsip, birden qaıtys boldy. Birneshe saǵattardan keıin alty jastaǵy Márıam da kóz jumdy.

Aýdarǵan: Nazerke Labıhan