Astanada tórtem dúnıege keldi, - dep habarlaıdy tengrenews.kz

Bul jaıly sábılerdiń ákesi Asqat Spanov málimdedi.

Eki qyz ben eki ul 2016 jyldyń 2 jeltoqsanynda dúnıege keldi. Sábılerdiń ata-anasy olarǵa Arsen, Álıhan, Dıara jáne Adelá esimderin qoıdy.

"Biz sábılerimizdiń dúnıege kelýin uzaq kúttik. Ázirshe olar anasymen birge perınataldyq ortalyqta jatyr. Jaǵdaılary jaqsy. Biraq biraz ýaqyt aýrýhanada bolady. Olar onda dárýmen qabyldap, dárigerlerdiń baqylaýynda jatyr. Dárigerler olarǵa jaqsy qarap jatyr", - dedi tórtemniń ákesi Asqat Spanov. 

Sondaı-aq, 38 jastaǵy er adam sábılerin eki ret kórip úlgergenin aıtty. "Shynymdy aıtsam, perınataldyq ortalyqta barlyǵy zalalsyzdandyrylǵan. Sondyqtan da men olardy úıde kúteıin, kúsh jınap kelsin", - dedi sábılerdiń ákesi.

Aıta keteıik, otaǵasy - Qaraǵandy qalasynyń týmasy, shekara qyzmetinde jumys isteıdi. Al áıeli Saltanat jeke kompanıada jumys isteıdi. Astanaǵa osydan bes jyl buryn kelgen eken.