2016 jyldyń 28 qazany kúni saǵat 15.00 - de Qazaqstan Respýblıkasy Táýelsizdiginiń 25 jyldyǵyn merekeleýdiń aıasynda Respýblıka Saraıynyń aldyndaǵy «Abaı» alańynda qala kóleminde tuńǵysh ret «Abaı kóshesiniń kúni» meıramyn ótkizý josparlanýda.

Sharany uıymdastyrýshysy Almaty qalasy Medeý aýdany ákiminiń apparaty.

Kóshe kúnin ótkizýdegi negizgi maqsat – jastardy rýhanı-adamgershilik jáne patrıottyq baǵytta tárbıeleý, aýdannyń árbir turǵynyna merekelik kóterińki kóńil-kúı syılaý, kóshe turǵyndary arasyndaǵy birlikti nyǵaıtý jáne Abaı shyǵarmashylyǵyn keńinen nasıhattaý bolyp tabylady.

İs-shara aıasynda: qolóner sheberleriniń jármeńkesi, aýdandyq shyǵarmashylyq ujymdardyń qatysýymen merekelik konsert, «Abaı» oqýlary, ulttyq sport túrlerinen sporttyq oıyndar men merekelik saýda uıymdastyrylady.

Aıta ketetin jaıt, jyl sońyna deıin Medeý aýdanynda «Dostyq», «Tóle bı», «Áıteke bı», «Qazybek bı», «Qabanbaı batyr» kósheleriniń meıramyn ótkizý josparlanýda.