"KeshYOU" tobynyń ánshisi Aqbota Seıtmaǵambet óziniń jeke ómirine qatysty el arasynda tarap ketken áńgimelerdiń núktesin qoıdy. Ánshi «úsh balasy bar otbasyn buzdy» degenderge jaýap berdi, dep jazady Stan. kz.

Aqbota topta bıylǵy jyldyń 31 jeltoqsanyna deıin án salady. Bul týraly ol Comode.kz basylymyna bergen suhbatynda aıtty.

«Toptan ketetinim týraly Baıan Maqsatqyzyna uzaq ýaqyt boıy aıta almaı júrdim, óıtkeni ol shetelde emdelip jatty. Múmkindik týa salysymen jetkizdim. Ol qatty tańyrqap qaldy, meni toptan osylaısha tez ketedi dep kútken joq. Biraq Baıan Maqsatqyzy da áıel. Ol meni túsinip, qoldaý kórsetti. Ol úshin oǵan alǵysym sheksiz. Topta istegen jumysym men úshin baǵa jetpes tájirıbe boldy. Men týraly neshe túrli sybystar tarap ketti. Keıbireýler meniń «Alaý» tobynyń ánshisine turmysqa shyǵatynymdy aıtyp júr. Biraq ol ótirik. «Alaýlyq» jigittermen dostyq qarym-qatynastamyz, olardy aǵalarymdaı kóremin», – dep atap ótti Aqbota.

Budan bólek, Aqbota Seıtmaǵambet bolashaq jarynyń el oılaǵandaı Dáýren Aıdarqulov emes ekenin málimdedi. Sondaı-aq, bolashaq zaıybynyń óner álemine qatysy joq ekenine sendirdi. Alaıda prodúser Baıan Esentaeva Aqbotanyń óz súıiktisin «Glamýr dlá dýr» fılminiń túsirilim alańynda jolyqtyrǵanyn aıtqan edi.

Aıtpaqshy jastar áli nekelesý kúnin belgilemegen. Aqbotanyń aıtýynsha, úılený toıy jaz aılaryna qaldyrylýy múmkin.