Shymkenttegi kilem toqıtyn kásiporyn óndiris qýattylyǵyn kelesi jyly 10 mıllıon sharshy metrge deıin ulǵaıtpaq dep habarlaıdy 24.kz 

2013 jyly «Indýstrıalandyrý kartasy» baǵdarlamasy aıasynda iske qosylǵan fabrıka búginde elimizdegi eń iri óndiris oryndarynyń sapyna kóterildi. Kásiporyn kilem toqýmen qatar polıpropılen jipterin ıirýmen de aınalysady. «Qazaqstanda jasalǵan» degen belgimen shyǵatyn ónimniń búginde 30 paıyzy TMD elderimen qatar Eýropaǵa eksporttalady. Zaýyttaǵylar 2017 jyly bul kórsetkishti 70 paıyzǵa deıin kóterýdi kózdep otyr. Osylaısha tekstıl salasyn damytpaq. Indýstrıalandyrý kúni az ǵana ýaqyttyń ishinde ońtústiktiń brendine aınalyp úlgergen kilem zaýytyndaǵy úzdikter marapattady.

Baýyrjan Ergeshbaıuly, kásiporyn qyzmetkeri: - Óńdeý ónerkásibiniń damýy eldiń ekonomıkasynyń jarqyn kórinisiniń kórsetkishi bolyp tabylady. Bizdiń kásiporynnyń iske qosylýy elimizde júrgizilip jatqan ındýstrıalandyrý baǵyty aıasynda jastar ózderiniń kásibı biliktiligin arttyryp, jaqsy jumys atqaryp júr.

Dastan Qarjaýuly, kásiporyn qyzmetkeri: - Jeńil ónerkásip salasy boıynsha memlekettik grantty jeńip alyp, sol boıynsha joǵary oqý ornyn bitirgen azmatpyn. Ózimniń jeńil ónerkásipti damytamyn degen maqsatym boldy. Sonyń arqasynda osy zaýytqa kelip, ótinish bildirip, jumysqa ornalastym. Bizde jumys aýqymy kóp. Aldaǵy ýaqytta jańa stanoktar keledi dep jatyr. Jańadan sehtar qosylady dep jatyr. Biz aldaǵy ýaqytta damıtynymyzǵa senemiz.