Jaqynda tanystarymnyń qanshasy basqa elde úı alǵanyn sanap kórdim. 30-dan asa otbasy Reseı, Eýropa men Amerıkaǵa kóshken eken. Jýyrda bir otbasyn Belorýssıaǵa shyǵaryp saldym.

Adamdar Qazaqstannan nege qashady? Óıtkeni halyq erkin qarjylyq jaǵdaıynda ómir súrgisi keledi. Basqa sebep kórip otyrǵan joqpyn.

Qazaqstandaǵy eń kedeı aımaq – Soltústik Qazaqstan oblysy. "VKontakte" áleýmettik jelisine kirip, jaı ǵana «Petropavlovsk jumys» dep terip kórdim. Shyqqan nátıjesin kórgende óz kózime ózim senbedim. Kóz aldaryńyzǵa elestetip kórińizdershi, Almatydaǵy kóshe sypyrýshynyń jalaqysy esepshi kómekshisiniń aılyǵynan kóp. «12 saǵattyq jumysqa 2000 teńgege jumys isteıtin daıarshy qajet» degen habarlamalardy kórdim. Statısıka boıynsha ortasha jalaqy –  143 650 teńge. Shyn mánisinde 50 myń teńgege áreń jetedi. Adamdar ýnıversıtetterdi támámdap, joǵary bilimimen 45  myń teńge jalaqyǵa jumys isteıdi.

Qazaqstandyqtardyń qarjylyq áleýeti qıyn. Ekinshi, baspana máselesi. Tanystarymnyń teń jartysy jaldamaly páterde turady. Páter aqysy óte qymbat. Balasy bar otbasylarǵa ıpoteka alý qıyn.

Adamdar Eýropadaǵy nemese teńizdiń arǵy jaǵyndaǵy ómirdi kórgennen keıin týǵan jerge oralýǵa asyqpaıdy. Sebebi, dál sondaı kúsh jumsap jaqsy jetistikterge jetýge bolatynyn túsinedi.

Jazba Serik esimdi blogerdiń yvision.kz saıtyndaǵy jeke blogynan alyndy.