Feısbýk qoldanýshysy, qoǵam belsendisi Jánibek Qojyq áleýmettik jeli arqyly estradalyq baǵyttaǵy dańǵaza ánshiler men saıqymazaqtardy juldyzǵa aınaldyryp, jón-josyqsyz jarnamalaýǵa qarsy úndeý jasady, - dep habarlaıdy Qamshy.kz.

«Ardaqty aǵaıyn! 
Qurmetti jýrnalıster, tilshiler, bologerler, áleýmettik jeliniń barlyq qoldanýshylary! Bul úndeýdi sizderge arnaımyn!
2017 jyly 1 qańtardan bastap estradalyq baǵyttaǵy dańǵaza, jylaýyq ánshiler men saıqymazaqtardy madaqtap, olardy juldyzǵa aınaldyryp, álgilerdiń ónerin, ómirin jastarǵa úlgi etip kórsetýdi dereý toqtatý qajet!
Qazirgi kezde barlyq telearnalardyń baǵdarlamalary ánshilerdiń jeńil-jelpi shoý, maǵanasyz oıynyna aınalyp barady.
Bul bolashaq urpaqtyń tárbıesine keri áserin tıgizýde. Keıbir estradalyq baǵyttaǵy ánshilerimiz jastardy ózderine eliktetip ertip aldy.
Er azamattyń qulaǵyna syrǵa taǵyp, erinderin boıap, qatynsha kıinip, saxnaǵa shyǵýy, el aralaýy, olardy jýrnalısterdiń xalyqqa kórsetip otyrýynyń sebebin túsinbedim.
Ol azdaı estradanyń ánshi «shaldary» bir-biriniń aýyzdaryn jalap, súıisip oıyn kórsetýi tipti uıat, masqara! Ultty qorlaý!
Endigi jerde olardy teleekranǵa shyǵarýǵa, gazet-jýrnaldarǵa jarnamalaýdy toqtatý kerek! Ánshilerdiń ishkenin-jegenin, toqal alyp, toı jasaǵany xalyqqa ne qajet?! 
Keıbir aǵaıyndar, balalary úılengende bankten nesıe alyp, álgi ánshilerdi toıyna bir án aıtyp ketýge 1 mıllıon teńge berip shaqyrtady. Sodan keıin ánshi qutyrmaǵanda, kim qutyrady?! Qaıta sol aqshany jas shańyraqtyń kerek-jaraǵyna jumsamaı ma?
Árıne, men bul jerde dástúrli ánshilerimiz ben óner salasynda eńbegi sińgen abyroıly aǵa-apalarymyzdy aıtyp otyrǵan joqpyn! 
Qurmetti qolyna qalam, mıkrofon ustaǵan jýrnalıster qaýymy, áleýmettik jelide paıdalanýshy dostarym!
Eger de siz elimizdiń bolashaq taǵdyryn oılasańyz, onda sizder tek ánshilerdi emes, jas ǵalymdardy, ónertapqyshtardy, xalyqaralyq ǵylymı olımpıadalardan bas júlde alyp júrgen balalardy nasıxattańdar! 
Eldiń erteńi qulaǵyna syrǵa taqqan ánshilerdiń qolynda emes, eldiń bolashaǵy jas ǵalymdardyń qolynda ekenin umytpaıyq, aǵaıyn! 
El bolamyn deseń besigińdi túze!», - dep jazady Jánibek Qojyq.