Munaı eksporttaýshy elder uıymyna kirmeıtin memleketter senbi kúni munaı óndirisin táýligine 562 myń barelge azaıtýǵa kelisti, dep habarlaıdy naryk.kz saıty. 

Venada ótip jatqan samıt barysynda munaı eksporttaýshy elder óndiristi naqty qansha barelge azaıtý kerektigi týraly uzaq pikir talastyrdy. Samıt bastalmas buryn OPEK uıymy ókilderi uıymǵa kirmeıtin memleketterdiń táýligine munaı óndirisin 600 myń barelge azaıtýǵa mindetteletinin aıtqan edi. Al uıymnyń ózi 1.2 mln barel azaıtatyn bolyp sheshken.

Osy oraıda, uıymǵa kirmeıtin memleketterdiń moınyna júktelgen 562 myń bareldiń teń jartysy Reseıge tıesili bolmaq. Al óndiris jaǵynan ekinshi oryndaǵy Meksıka shamamen 100 myń barelge deıin azaıtady. Al Qazaqstan, energetıka mınıstri Qanat Bozymbaevtyń aıtýynsha, qarashadaǵy kórsetkishten 20 myń barelge azaıtýǵa mindetteldi.

Sál erterek Qanat Bozymbaevtyń ózi munaı óndirisin qarashadaǵy kórsetkishten túsirmeıtinin málimdegen edi.