Brıtandyq ǵalymdar adam ómirine qatysty túrli pálsafalyq oılaryn kún saıyn jetkizip otyr. Alaıda, ol tujyrymdar qanshalyqty ras ekendigi jaıly maqala life.ru saıtynda jaryq kórgen bolatyn. Sol málimettiń qazaqsha nusqasyn Qamshy portaly usynady.

Adamdar ǵylymǵa senýden qalyp barady. Kez kelgen iske aralaspaı júrmeıtin brıtandyq ǵalymdardyń tujyrymdary bul iske sebep bolady. Olardyń  shoshqalardyń belsendiligin, qańqyzdardyń jynystyq ómirin, adam basynda únemi júretin kóńildi ánder jáne adam esimininiń bolmysyna áser etýi jaıly zerttegen tujyrymdary – kúlkili ári óte óreskel. Degenmen, biz qatelesip otyrǵan bolarmyz, olardyń tujyrymdary adamzat ǵylymynda birden-bir kerekti aqparattar shyǵar? Olardyń birneshe tujyrymdaryna kóz júgirteıik:

• Brıtandyq ǵalymdar qysqa beldemshe áıel adamdardyń uzaq ómir súrýine yqpal etedi deıdi.
• Brıtandyq ǵalymdardyń aıtýynsha, sol ıyqpen jatyp uıyqtaý paıdaly, uıqy qanady jáne mı demalady eken.
• Ǵalymdardyń boljamynsha, búldirshinder jáne eresek adamdar boýlıń oınaý arqyly arnaıy apparatta júgirýge qyzyǵyp, sol iske berilip ketedi eken. Bul tujyrymdy dáleldeý úshin 10 jyl jáne 250 fýnt mólsherinde qarajat ketken.

Osy syndy habarlamalar kún saıyn áleýmettik jelilerdegi lentamyzda jańǵyryp turady. Brıtandyq ǵalymdardyń mundaı tujyrymdaǵy maqalalary, keıde  mańyzdy máselelerge qatysty da ǵylymı maqalalary týyndap jatady, alaıda «brıtandyq ǵalymdardyń aıtýynsha» degen fraza halyqtyń qulaǵyna jaýyr bola bastady jáne de olarǵa degen senim doǵalyp barady, sebebi olardyń ashqan ǵylymdary negizsiz jáne ótirik degen uǵym da qalyptasqan. Onyń dileli retinde myna bir sózderdi keltirýge bolady: «Brıtandyq ǵalymdardyń aıtýynsha, adamdar brıtandyq ǵalymdar ashqan jańalyqtardy shyndyq retinde qabyldaı almaıdy». Bul - jeli  qoldanýshylarynyń shyǵarǵan ázili. Degenmen, ár ázilde bir zil bar!

Aýdarǵan: Nazerke Labıhan