«KeshYou» tobynyń ánshisi Aqbota Seıtmaǵambet turmysqa shyǵatynyn, sol sebepti top quramynan ketkeli júrgenin jarıa etkennen keıin basy úlken daýǵa qalǵan edi. Jurtshylyq ony akter Dáýren Aıdarqulovtyń otbasyn buzdy dep aıyptap, ıt terisin basyna qaptaǵan bolatyn. Oǵan sebep Dáýren Aıdarqulovtyń aq nekeli jarynyń Aqbotany aıyptaǵan syńaıda jazǵan jazbalary sebep bolǵan-dy dep habarlaıdy inform.kz

Al, Aqbota men Dáýren jaqynda jaryq kórgen «Glamýr dlá dýr» fılminde ǵashyqtardyń rólin somdaǵan. Top prodúseri Baıan Maqsatqyzy  Aqbotanyń óz súıiktisin dál osy fılmniń túsirilim alańynda jolyqtyrǵanyn da habarlaǵan.

Kúni búginge deıin ánshi bul aıǵaı-shý men aıyptaýlardyń bárine lám-mım dep jaýap qatpaǵan-dy. Shydamy shegine jetti me, álde ábden ashýyna tıdi me, áıteýir búgin osy daýdyń núktesin qoıýǵa bel býypty. Ánshiniń instagram jelisindegi jeke paraqshasyna qaldyrǵan jazbasyn nazarlaryńyzǵa usynamyz:

«Qaıyrly kún dostar! Sizderge ózimniń jeke ómirim jaıly aıtqym kelip otyr. Iá, Erjan men Álı, Daýren men ... Bárimen qosyp shyqtyńyzdar. Endi sizderge aıtarym, Men eshkimniń otbasyn buzǵan joqpyn. Meniń Dáýren Aıdarqulovpen eshqandaı qarym-qatynasym joq. «Kınoda da maxabat,ómirde de maxabat bolyp ketipti» degenderge: Ol kisige qosýdy doǵaryńyzdar! Meniń turmysqa shyǵatyn bolashaq jarym múlde óner adamy emes.

Al Daýren Aıdarqulovqa keletin bolsaq, otbasylyq jaǵdaıyn ózderi sheshsin. Tek meni aralastyrmaýlaryn suraımyn. Men eshkimniń otbasyn buzǵan joqpyn. Bilemin meni qansha qarǵadyńyzdar, jek kórip kettińizder, lastadyńyzdar, túrli-túrli júrekke tıer sózder aıttyńyzdar. Men bárin túsinemin. Alla qalasa kelesi jyly toı!

 Árkim óz otbasymen baqytty bolsyn. Ózderiniń las tirlikterine meni qospasyn. Egerde baqytty otbasy bolsa,osynshama aıqaı-shý shyǵaryp, eldi dúr silkindirmes edi. Ne deıin endi baqytty bolyńyzdar!»