QHR qylmystyq kodeksiniń 13 baby boıynsha isti bolǵan mıllıarder Lú Handy Qytaıda ólim jazasyna kesti.

Bul ólim jazasy Qytaıda zań aldynda bári birdeı ekenin kórsetti.

South China Morning Post basylymy habarlaǵandaı, Lú Hanǵa shyǵarylǵan jaza ótken jyldyń mamyr aıynda bekitilgen eken. Ol birden 13 bap boıynsha aıyptalyp otyr.

İs júrgizilgende Qytaıdyń eń baı adamynyń biri adam óltirýmen aınalysatyn iri qylmystyq topty jasyryn basqaryp kelgen, zańsyz kazıno men qarý-jaraq satýmen aınalysqan.

1997 jyly álemdegi eń iri temir keni Hanlong Group-tyń  negizin qalaǵan Lú Hanǵa banktik kredıt alý kezinde qate aqparat bergeni úshin  300 mln ıýán aıyppul saldy. Lú Hanmen birge onyń aınalasyndaǵy tórt adam da ólim jazasyna kesildi.

Gonkong jýrnaldarynyń málimetinshe, Lú Han QHR memleket qaýipsizdiginiń burynǵy basshysy Chjoý Iýnkanmen tyǵyz qarym-qatynasta bolǵan. Sol sebepti ol jaýapkershilikten qashyp júrgen. Al ótken jyldyń jeltoqsanynda Chjoý Iýnkannyń ózi qyzmetten bosatyldy. Oǵan da korrýpsıalyqqa qatysy bar degen aıyp taǵylady dep kútilýde.  İsti júrgizý barysynda burynǵy qaýipsizdik bastyǵy para alyp, týystary men dostaryn laýazymdy oryndarǵa tartyp otyrǵany anyqtaldy.