Oblysta Qazaq maqta sharýshalyǵy ǵylymı-zertteý ınstıtýty ashylyp, onyń ǵalymdary egistikterde Qazaqstanda aýdandastyrylmaǵan ózbek maqtasyn aýystyrǵan bes otandyq surypty ósirip shyǵarǵan bolatyn. Qazaqstannyń jem óndirisin damytý tarıhynda tuńǵysh ret ınstıtýtta jońyshqanyń «Kóksaraı» sýarmaly suryby shyǵaryldy, ol maqta-jońyshqa tuqym aınalymyn qalyptastyrýǵa negiz bolady. «Kóksaraıǵa» deıin Ońtústik Qazaqstanda jońyshqanyń ónimdiligi óte tómen bolgarlyq suryptary egiletin. Tuqymdar kórshiles respýblıkadan ákelinip, aýdandastyrylmady. Jemdik daqyldyń nashar ónimdiligi sharýalardyń ony tuqym aınalymynda paıdalanýdan tartynýyna ákelip, sonyń nátıjesinde topyraq qunarlylyǵy tómendeı tústi. «Kóksaraı» jaǵdaıdy ońaltty.
Taǵy bir ǵylymı mekeme – «Ońtústik-Batys mal jáne ósimdik sharýashylyqtary ǵylymı zertteýler ınstıtýty» AQ qoıdyń jańa tuqymyn shyǵardy, sondaı zertteýleri úshin bir top ǵalym Qazaqstan Respýblıkasynyń Memlekettik syılyǵyn aldy. Instıtýtta shóleıttenýge qarsy, arıdtik daqyldardy sebý esebinen jaıylymdardyń qunarlylyǵyn saqtaý, jaıylymdyq mal sharýshalyǵynyń ońtaıly tásilderin qaıta jańǵyrtý jumystary jalǵasýda. Keńes dáýirinde usaq mal basy birneshe mıllıondap jaıylsa, qazir olardyń sany azaıyp ketken. Degenmen, jaǵdaıdyń ońalyp kele jatqany baıqalady. QR Prezıdenti N.Nazarbaevtyń jaıylymdyq mal sharýashylyǵyna kóńil bólýiniń arqasynda, ǴZI ǵalymdary keıbir aımaqtarda shopandarǵa qolaıly jaǵdaı jasaýǵa, zerthanalar ashýǵa, baılanys júıelerin qurýǵa baǵyttalǵan jobalardy oılastyryp, júzege asyrýda. Máselen bıyl mal sharýashylyǵynyń búkil eldiń aýyl sharýashylyǵynyń jalpy ónimindegi úlesi 45,7%. Basym bóligin et, sút jáne jumyrtqa óndirisi alady. OQO sharýalardyń zor qyzyǵýshylyǵyn týdyrǵan «Sybaǵa» fermerlik sharýashylyqtardy damytý baǵdarlamasy da jaqsy nátıje berýde. Oblystyń Ońtústik óńirleriniń tabıǵı resýrstary men ekonomıkalyq áleýetin eskersek, qazirgi ýaqytta gazdalǵan mıneraldy sýlar óndirisi artty.
Zarına QULTASOVA,
«Ońtústik-Batys mal jáne ósimdik sharýashylyqtary ǵylymı zertteýler ınstıtýty» AQ-nyń qyzmetkeri
