(El táýelsizdiginiń 25  jyldyǵyna)

Bir zamanda qalǵyp ta qaltyraǵan,

Qalyp bara jatqasyn halqy nadan

«Oıan qazaq» dep alash aqyndary,

Saharada qyrandaı sańqyldaǵan.

Qalǵyp júrgen halyqqa qoıyn baǵyp,

Kórine me dúnıeniń boıaýy anyq?!

Biraq qazaq júz jyldap qalǵyǵanmen,

Kókiregi teginde oıaý halyq.

Kóringenmen  kóp kóship eldeı nadan,

Jerin saqtap, qarýyn teńdeı alǵan.

Amal qansha azýly, ákki jaýǵa,

Kóbinde ras shamasy kelmeı qalǵan.

Qosylyp oǵan oqýsyz qalǵandyǵy,

Jaýǵa taǵy ózderin aldandyrdy.

Sol úshinde oıan dep ańǵarylar,

Oıanýyn qazaqtyń arman qyldy.

Aıtylsa da abyz ben aqyn sózi,

Ashylmady ǵylymsyz aqyl kózi.

Osy ýytty uıqydan eń aldymen,

Din úıretip oıatty táńir ózi.

Ǵasyrlardy eske alsaq ótken muńly,

Syr shertedi jyraýlar tókken jyry.

Sosyn eldiń namysyn oıatty ózi-aq,

Otarshyldar, ozbyrlar óktemdigi.

Bas kótertpeı turǵanda jattyń kúshi,

Týdy taǵy baı-kedeı taptyń isi.

Markızim qaıta eldi qalǵytqanmen,

Oıatty eldi ıdeıalar qaqtyǵysy.

El namysyn aıaýsyz janyshtady,

Kóne, jańa otarlyq barystary.

Janyn tikti ult rýhyn sóndirmeýge,

Sonda bizdiń alashtyń arystary.

Qaýyp baryn bilse de azap baryn,

Ańsady el óziniń azat tańyn.

Dúr silkindi bergi bet, arǵy bette

Qany tasyp oıanǵan qazaqtaryń.

Sharlaı júrip keshegi, búgingisin,

Barlaı júrip zamana qubylysyn,

Bizdiń qazaq qaıtpady alǵan betten,

Táýelsizdik dál sonyń týyndysy.

Endi múlgip ketpeıdi endi qalǵyp,

Óz-ózine oıanǵan keldi halyq

Aıshyqtalyp jazylyp jatyr búgin,

Arǵy tarıh aqıqı bergi tarıh.

Órkenıetten jańa, tyń oı alarlyq,

Endi meniń qazaǵym oıaý halyq.

Oıaý kózge kóriner kúńgirttenbeı,

San qubylǵan zamannyń boıaýy anyq.

Alǵa basyp barady erlep halyq,

Endi bizge  jat múlde ker baqpalyq.

Jar astynda jasyryn jaý barynda,

Bilip otyr sezinip, sergek tanyp.

Ár ultta bar adamdar jany qotyr,

Keıbiri onyń bıliktiń taǵynda otyr.

İshten shyqqan jaý jaman qashandaǵy,

Oıaý qazaq ony da tanyp otyr.

Jańa ómirge buryldy betiń birden,

Er qazaǵym sý keshken etegimen.

Tereńine ǵylymnyń boılap júrsiń,

Aınalysyp tehnıka tetigimen.

Baqytty biz jasaımyz qolymyzben,

Sanasamyz  ońymyz, solymyzben.

Basqalardyń qańsyǵyn tańsyq kórmeı,

Júrsek boldy qazaqı jolymyzben.

Bir jaǵadan shyqsa  eger bastarymyz,

Ashyq bolar máńgilik aspanymyz!

Alashtardyń jolyna adal bolsyn,

Bolashaqtyń ıesi jastarymyz!