Jaqynda Almaty qalalyq ákimshiligi qala mańynan krematorıı(ólgen adamdy órteıtin oryn) salynatyndyǵyn habarlaǵan. Áleýmettik jeliler men ártúrli baspasózde qarsy pikirler aıtylyp jatqanymen qazirge qulaq asqan eshkim joq. Aqmaral Aldıar esimdi feısbýk qoldanýshy osy máselege baılanysty óz pikirin bylaı dep jetkizipti:

"Nege úndemeı otyrsyzdar?! "osylaı bolypty" dep basymyzdy tómen salyp otyra beremiz be? Qaıda álgi dinshilder? Qaıda ultjandy azamattar? Ot aýyz, oraq tildi jýrnalıser she? El aǵalary qaıda? Aqsaqaly bar ma bul eldiń? Bıliktiń tizginin ustaǵan bilimdi azamattar nege úndemeı otyr? Halyq qalaýlylary she? Batyrlarymyz, sportshylarymyz nege úndemeıdi? Mádenıet, qoǵam qaıratkerleri? Kimdi órtemekshi myna jurtta, kimdi???
Qarsylyq bildirip hat jazatyn eshkimniń bolmaǵany ma? «Jer joq» degen ne? Ólikke komýnaldyq jaǵdaı kerek emes edi ǵoı? Tirisinde ultaraqtaı jerdi ıelene almaı ketpesin. "Ózge din ókilderi úshin" degen syltaý! "Ózgege" bizdiń eldiń salt-sanasyn qashanǵy yńǵaılaımyz? Jaqpasa Otanyna ketsin! (ol jaqta qabyldasa!!!) Ata-babamyz solar úshin qasyq qany qalǵansha qorǵap pa edi osy jerdi? Kórinde ókirip jatqan shyǵar...
Amanatqa qıanat jasamaıyq bulaı! Bárimiz de osy baıtaq, táýelsiz eldiń azamatymyz! Salyq tóleýshisimiz! Jer atymyzǵa jazylmasa da mundaıǵa jol berýge bolmaıdy! Jan-jaqqa hat jazyp, qarsylyǵymyzdy bildireıik. Zaıyrlylyqtyń túri osy ma? Bul bastamaǵa kimder jumys istep jatyr eken? Ózi otqa oranǵyr!!!

Qazaqstan respýblıkasynyń azamatshasy retinde, salyq tóleýshi retinde, qazaq halqynyń urpaǵy retinde men bul bastamaǵa túbegeıli qarsymyn!!!

PS.  Bilem, "saýaty artyq, damyp ketkender" (ózin solaı baǵalaıtyn robottar) shyǵyp, krematorıı salynǵanyn jaqtaıtyn, ony túsindirýge tyrysatyndar tabylady. Olarǵa aıtarym: "nanyńa adal bolmasań da, qanyńa adal bolshy, aınalaıyn!"

Siz ne deısiz?