Jýrnalıser odaǵyn basqarǵan Mataev
Jemqorlyqqa qarsy is-qımyl jónindegi Ulttyq búro ákeli-balaly Seıitqazy jáne Áset Mataevtardyń ústinen jemqorlyq faktileri boıynsha qylmystyq is qozǵady. 2016 jyly 3 qazanda Astana qalalyq Esil aýdanynyń 2№ soty S. Mataevty salyq tóleýden jaltardy, alaıaqtyq jasady dep taýyp, 6 jylǵa bas bostandyǵynan aıryldy. Al, S. Mataevtyń uly «QazTAG» Halyqaralyq aqparat agenttiginiń basshysy Áset Mataevty «Alaıaqtyq» baby boıynsha 6 jylǵa bas bostandyǵynan aıyrdy
Salafızm qaýpinen sıgnal bergen Kúlikbaev
2 qarashada Almatyda jazda terakt uıymdastyrǵan Rýslan Kúlekbaevqa qatysty úkim shyǵarylyp, ólim jazasyna kesildi. Onyń bundaı jazaǵa kesilýine 18 shildede Almatyda İshki ister basqarmasy men Ulttyq qaýipsizdik komıtetiniń departamentine qarýly shabýyl jasaýy sebep boldy. Shabýyl saldarynan Almatyda qaýipsizdiktiń «qyzyl» deńgeıi jarıalandy. Al, Kúlekbaev shabýylynan 8 quqyq qorǵaý jáne arnaıy organ qyzmetkerleri jáne 2 beıbit turǵyn qaza tapty. Kúlikbaev Chelah otyrǵan túrmede jazasyn óteıtin boldy. Sot aldynda jasaǵan qylmysyna ókinbeıtinin aıtqan Kúlikbaev áreketin bılik salafızmmen túsindirdi. Kúlekbaev tipti polısıa ǵımaratyndaǵy temir esik bolmaǵanda qurbandar sany áldeqaıda kóp bolar edi dep jaýap berdi polısıaǵa.
Almatyda 18 shilde kúni qandy qyrǵyn oryn alyp, Almatyda Terrordyń qyzyl deńgeıi jarıalandy. Onda qandy qylmys jasaý úshin bar bolǵany 24 mınýt ýaqyt jumsalǵany aıtylǵan bolatyn. Kúlikbaev soty qarsańynda Qazaqstannyń İshki ister mınıstrligi sottalýshylarǵa jumsalatyn qarajat somasyn jarıa etti. Belgili bolǵandaı, ár sottalýshyǵa memlekettik qazynadan jylyna 800 myń teńge shamasynda aqsha bólinedi.
Pyshaqtalǵan Baıan jáne 9 jylǵa sottalǵan Baqytbek
10 maýsym saǵat 12.05 shamasynda Belgili prodúser, eki balanyń anasy Baıan Maqsatqyzy maýsymnyń 10 kúni birneshe jerden pyshaqtalyp, aýyr jaraqatpen Talǵar aýdanyndaǵy aýrýhanaǵa tústi, onyń bas súıeginen jaraqat alyp, ishinen pyshaqtalǵanyn anyqtady. Oǵan jedel ota jasaldy. Qulja tas joly boıynda erli-zaıypty arasynda janjal bolǵan. Oǵan dene jaraqatyn salǵan kúıeýi Baıannyń keshirgenine qaramastan 3 qarashada 9 jylǵa sottaldy. Baıan Esentaeva keıinnen kúıeýi Baqytbekke densaýlyq pen shydamdylyq tilep, bárine tek qyzǵanyshty kinálady.
Tóńkeris jasamaq boldy dep aıyptalǵan Tóleshov
7 qarasha, Astana qalasyndaǵy mamandandyrylǵan aýdanaralyq qylmystyq ister jónindegi áskerı sot Toqtar Tóleshov pen onyń sybaılastaryna qatysty úkim shyǵardy. Sot bas aıyptalýshy Toqtar Tóleshovty kináli dep taýyp, múlkin tárkileýmen 21 jylǵa bas bostandyǵynan aıyrdy. Ol jazasyn qatań rejımdi kolonıada óteıdi. Toqtar Tóleshovke «halyqaralyq qylmystyq qaýymdastyqtyń beldi ókili retinde qylmys áleminiń bedeldi múshelerin qarjylandyrǵan» degen aıyp taǵylǵan.
Jer satylmasyn degen Talǵat Aıan hám Maks Boqaev
28 qarasha, Atyraýdaǵy 2 sotta sot prosesteri aıaqtalǵan Maks Boqaev pen Talǵat Aıanovqa sot úkimi oqyldy. Sýdıa Gúlnár Dáýleshova olardy «zańsyz mıtıńter uıymdastyrdy», «jalǵan aqparattar taratty», «ultarazdyq týdyrdy» dep aıyptap, 5 jylǵa sottady.
Maks Boqaev pen Talǵat Aıan 24 sáýir kúni Atyraý qalasynda jer reformasyna qarsylyq retinde ótken jappaı mıtıńten soń qamaýǵa alynǵan. Maks Boqaev pen Talǵat Aıanǵa birqatar qylmystyq baptar (sonyń ishinde "arazdyq týdyrý", "zańsyz mıtıń uıymdastyrý") boıynsha aıyptary taǵylǵan. Azamattyq belsendiler bul aıyptardyń eshqaısysymen kelispeıdi.
Jibek Mýsınany jabylyp zorlaǵan jigitter
28 qarasha, Almaty oblysy Eńbekshiqazaq aýdany Esik qalasyndaǵy aýdandyq sot 2016 jyly qarashanyń 28-i kúni Jibek Mýsınovany "toppen zorlady" degen adamdarǵa qatysty úkim shyǵardy. Aıyp taǵylǵan tórt adam da kináli dep tanylyp, uzaq jyldarǵa sottaldy: Asqat Bektursyn – 10 jylǵa, Eltaı Nurbol – 9 jylǵa, Almas Ermekov – 9 jarym jylǵa, Erbol Ermekov – 8 jylǵa bas bostandyǵynan aıyryldy. Sot zorlaý oqıǵasy bolǵan avtokólikti tárkileýge úkim etti. Al, ony zorlaǵandar sotta jynystyq qatynastyń kelisimmen bolǵanyn aıtty. Jibek Mýsınovany zorlaý úkimi qarashanyń 15-i kúni shyǵýy tıis bolǵan. Alaıda sot-bıologıalyq jáne molekýlalyq-genetıkalyq saraptama qorytyndylary sáıkespegen. Osy Sotta shý shyǵarǵany úshin sottalǵandardyń jaqtastaryna aıyppul salyndy. Keıinnen Esikte Jibek Mýsınany zorlaǵandarǵa qatysty sot sheshimin qaıta qaraýdy surap bir top adam zańsyz mıtıńige shyqty.
Aqtóbede lańkestik jasaǵandar
28 qarasha, Aqtóbe oblystyq Qylmystyq ister jónindegi mamandandyrylǵan aýdanaralyq sotynda aǵymdaǵy jyldyń 5 maýsymynda oryn alǵan terakt boıynsha aıyptylarǵa úkim shyǵaryldy. Sot 7 adamdy ómir boıy bas bostandyǵynan aıyryp, olardy erekshe rejımde jazasyn óteý týraly jazaǵa kesti. Aıta ketsek, Bıyl 5 maýsymda Aqtóbede terakt bolǵan edi, onyń saldarynan ondaǵan adam qaza tapty. Qazaqstanda terrorlyq qaýiptiń sary deńgeıi, al Aqtóbede qyzyl deńgeıi engizildi.
Uzynaǵashta úsh aǵaıyndyny qastandyqpen óltirgender
29 qarasha, Mal satýmen aınalysatyn aǵaıyndy úsh azamat Jarqynbek Doldanuly, Muqıat Zarlyhanuly men Qadylbek Álimhanulyn óltirdi degen negizgi aıyptalýshy Talǵat Súleımanovqa sot ómir boıy bas bostandyǵynan aıyrý jazasyn kesti. Ol jazasyn erekshe túzimdegi kolonıada óteıtin bolady. Al, T. Súleımanovtyń sybaılasy Murat Ońalbaev 25 jylǵa bas bostandyǵynan aıyrylyp, qatań túzimdegi kolonıaǵa jiberiletin boldy. Qylmysqa baılanysty marqumdardyń týystary qylmyskerlerdi ádil jazalap, olardy ólim jazasyna kesýdi suraǵan edi.
